Halmashauri ya Manispaa ya Temeke, sekta ya kilimo imekuwa ndio msingi mkubwa wa kukuza kipato na chakula kwa familia na jamii kwa ujumla zaidi ya kaya 6118 zenye wakulima 11270 wanaojishughulisha na kilimo kwenye eneo la hekta 6000.
MAZAO YANAYOLIMWA
Mazao yanayolImwa ni mpunga, hekta 250.Mhogo hekta 20. Mboga na matunda 5730.Hivyo asilimia kubwa ya chakula katika maeneo ya mjini kinaingizwa kutoka nje ya mkoa.
Uzalishaji wa mboga unachangia zaidi ya asilimia 75 ya mboga zote zinazoliwa katika halmashauri yetu.
Huduma za ugani zinafanyika kwa kutoa ushauri kwa wakulima, mashine za kusaga, masoko na maghala ya chakula.
MAJUKUMU YA IDARA YA KILIMO
Kushauri na kusimamia kazi zote za kilimo na umwagiliaji katika manispaa ya Temeke.
Kushirikiana na wadau wa kilimo, umwagiliaji katika kutekeleza malengo ya Idara.
Kutekeleza maagizo yote ya kilimo kama yalivyoainishwa kwenye ilani ya uchaguzi na dira ya Taifa.
Kutekeleza maagizo yote kama yatakavyoagizwa na viongozi.
Kuongeza uwezo wa uzalishaji wa mazao ya kilimo.
Kuboresha mfumo wa upatikanaji wa masoko ya mazao ya kilimo na usindikaji wa mazao hayo.
Kuboresha miundombinu ya umwagiliaji na upatikanaji wa huduma za ugani na pembejeo.
