Huduma ya Maji

Halmashauri ya manispaa ya Temeke kupitia idara ya Maji tunatoa huduma mbalimbali kwa ajili ya ustawi wa wananchi wetu na Taifa kwa ujumla.

Kwakupitia Idara ya maji imeweza kutatua tatizo la maji mpaka kufika 68% ya matumizi.

VYANZO VYA MAJI 

• Manispaa ya Temeke kwa kushirikiana na DAWASA imeweza kusambaza na kujenga visima vya maji katika maeneo mbalimbali ya temeke. Kuna jumla ya mabomba 195 ambayo yamesambavyo katika jumla ya mitaa 95 za Temeke.
• Mto wa kizinga kilichopo Mtoni.
• Visima vya maji. Halmashauri ya manispaa ya Temeke ina jumla ya miradi ya maji 195. Ambavyo ni visima vya maji vilivyopo katika makazi ya watu. Visima virefu 238.

KIASI CHA MAJI KINACHOPATIKANA 

Kwa kata 23 mahitaji  halisi ya maji ni kiasi cha lita za ujazo 115.5 milioni kwa siku. Na kiasi kinachopatikana ni lita za ujazo 77.5 milioni kwa siku sawa na asilimia 68% tu ya mahitaji ya wakazi wa Manispaa ya Temeke kwa ajili ya matumizi ya aina zote kama vile kwa wakazi, viwanda na shughuli nyingine za kiuchumi na kijamii.

Kwakupitia chanzo cha DAWASA ni kiasi cha 125 lita za ujazo kwa siku. Chanzo hiki kinapatikana kutoka kwenye Mito,Ruvu chini na Ruvu juu.

Visima vyamaji vilivyochimbwa kwa ajili ya jamii vinatoa kiasi cha 26,133 lita za ujazo.

BAADHI YA HUDUMA TUNAZOTOA NI PAMOJA NA:

• Kuendelea kutoa huduma ya maji safi na salama kwa wananchi wa Temeke.
• Kuwapatia wananchi vyanzo mbalimbali vya maji kama vile miradi ya maji bomba, visima virefu na visima vifupi.
• Kuboresha visima,na miundombinu ya maji.
• Kutoa elimu kwa wananchi kuhusu sera ya maji ya mwaka 2002, sheria ya maji na usafi wa mazingira na.12 ya mwaka 2009 kuhusiana na usimamizi na uendeshaji miradi ya maji.
• Kutoa huduma ya ushauri wa kitaalamu juu ya uendeshaji na matengenezo ya miundombinu na mitambo/mashine katika miradi ya maji kwa vyombo vya watumiaji maji.
• Kuhakikisha huduma ya maji inakuwa endelevu katika maeneo yote ambayo yana miradi ya maji.
• Kuandaa usanifu wa miradi mipya ya maji na kufanya ukarabati wa miradi iliyochakaa.