Historia

Manispaa ya Temeke ni moja ya Halmashauri chache kongwe zenye utajiri na historia ambayo imechangia kuleta mabadiliko kisiasa, kiuchumi na kijamii Nchini. Kwa ujumla Temeke imekuwa kitovu cha upatikanaji wa uhuru wa Tanzania bara, pia kwa ukuaji wa michezo, utamaduni na maendeleo ya kilimo katika jiji la Dar es Salaam.

Manispaa ya Temeke ina eneo la ukubwa wa kilomita za mraba 240 iliundwa 1999 chini ya sheria ya Serikali za mitaa (mamlaka ya miji) ya mwaka1982.

Manispaa ya Temeke ipo kusini mwa mkoa wa Dar es salaam ambapo Mashariki inapatikana Bahari ya Hindi, Kusini inapakana na wilaya ya Mkuranga iliyopo mkoa wa Pwani na Kaskazini-Magharibi imepakana na manispaa ya Ilala wakati kwa upande wa Kaskazini-Mashariki Halmashauri hii imepakana na halmashauri ya manispaa ya Kigamboni.

Temeke ina majimbo makuu mawili ya uchaguzi (Temeke na Mbagala) ina idadi kubwa ya watu ambapo kwa mujibu wa Sensa ya watu na makazi ya mwaka 2022 idadi ya watu ni 1,346,674 kati yao wanawake ni 691,537 na wanaume ni 655,137.

Temeke ni moja ya Wilaya inayolibeba Jiji la Dar-es-Salaam, kivipi, Dar-es-Salaam ni Temeke kwa kuwa bandari ipo Temeke,viwanja vyote vya mipira kitaifa - Uwanja wa Taifa na uwanja wa Uhuru, pia ipo jirani na Uwanja wa ndege wa kimataifa, ni mwanzo wa Reli ya Tazara, ina Uwanja wa kimataifa wa maonesho - sabasaba, ina daraja la Nyerere ambalo ni la Kimataifa. Samaki hupatikana kwa uwingi Temeke, ina fukwe nzuri za kuvutia zenye mchanga mweupe, ina wakazi wengi na wahamiaji wanaopata maeneo ya kujenga kutokana na kuwa na maeneo makubwa tena ya wazi. Ina mtandao mkubwa wa barabara za lami. Hii ndiyoTemeke tunayoisema.

Kwa mujibu wa Sensa ya mwaka 2022, idadi ya wakazi wake ni 1,368,881 kati ya hao wanawake 699,825 na wanaume 669,056. Kijiografia Temeke ina ukubwa wa Kilomita za mraba 240 baada ya kugawanywa na kuzaliwa Wilaya mpya ya Kigamboni, Kwa upande wa Mashariki, Temeke imepakana na bahari ya Hindi, Kusini kuna Wilaya ya Mkuranga na Magharibi kusini kuna Wilaya ya Ilala kwa kufuata reli ya kati.

Manispaa ya Temeke ni lango la kuingia kutoka Nchi za Kusini mwa Afrika zikiwemo Msumbiji, Afrika ya Kusini n.k kupitia upande wa Kusini upande wa Kaskazini kuna Uwanja wa ndege wa Kimataifa wa Julius Nyerere hivyo ni rahisi kwa wawekezaji kufanya biashara za Kimataifa.