Mazingira na Maji taka

Bw; Ally Hatib

Mkuu wa Idara ya Usafishaji na Mazingira

Halmashauri ya Manispaa ya Temeke imedhamiria kutekeleza majukumu yake kwa kuweka kipaumbele idara ya usafi na mazingira.

Manispaa ya Temeke inakadiriwa kuzalisha wastani wa tani 1,494 kwa siku.Kati ya hizo tani 964.6 huzalishwa kwenye makazi ya watu na tani 150 huzalishwa kila siku kwenye masoko.Ambapo taka hizo huondolewa na magari ya Manispaa na magari ya kukodi ya wakandarasi.

 Uwezo wa kuzoa taka wa magari ya halmashauri kwa kushirikiana na wakandarasi na taasisi binafsi ni wastani wa tani 964.6 kwa siku,ambazo ni sawa asilimia 65% ya taka zinazozalishwa kila siku.

Idara imegawanyika katika vitengo viwili ambavyo hujisimamia katika utendaji wake, vitengo vyake ni:

• Taka Ngumu na
• Mazingira

Aina ya Taka zinazokusanywa ni:

• Taka ngumu na
• Maji taka

USAFI WA BARABARA

Kazi ya usafi wa barabara zenye urefu wa kilomita 106.85 na mifereji ya wazi kilomita 199,kufyeka majani pembezoni mwa barabara hufanywa na wakandarasi wa kata na vibarua wa Halmashauri.

Barabara zinazofanyiwa usafi ni pamoja na barabara ya Nyerere, barabara ya Kilwa, Mandela, Chang’ombe, barabara ya Tandika, Yombo,Soko la sterio, Dr Omay Juma, Mbozi, na Azimio Mbagala kuu.

MAJUKUMU YA IDARA HII MUHIMU NI:-

Kuongeza uwezo wa udhibiti na uzoaji taka ngumu katika mitaa 97.

Kuhimarisha usafi wa barabara za lami na mifereji ya maji ya mvua.

Kuimarisha programu ya elimu kwa jamii kuhusu usafi na mazingira.

Kushirikisha wadau katika uboreshaji wa usafi wa mazingira katika ngazi mbalimbali.

Kuimarisha mfumo wa usimamizi na ufuatiliaji wa utekelezaji wa mikakati ya usafi.

Kuhakikisha shughuli zote za kibinadamu zinalinda mazingira.(Environmental Protection and Conservation).

Kuimarisha vikao vya utendaji vya idara.

Kuandaa na Kusimamia utekelezaji wa Sera ya Mazingira ya mwaka 1997

Kusimamia utekelezaji wa sheria ya mazingira Na 20 ya 2004.

MIKAKATI YA IDARA

• Halmashauri imejiwekea mkakati wa kuhakikisha kila jumamosi ya mwisho wa wiki ni siku ya usafi kuanzia saa 1.00 asubuhi hadi saa 3.00 asubuhi,Usafi huu utashirikisha, Ofisi ya Mkuu wa Wilaya Temeke, Mstahiki Meya, Waheshimiwa Madiwani, Watumishi, Wananchi waishio maeneo ya Halmashauri na wadau mbalimbali.
• Kuendelea kuhamasisha jamii juu ya usafi wa mazingira katika ngazi zote za kiutawala na jamii.
• Kutengeneza bustani za maua kwenye mizunguko ya barabara(round about) na kupanda miti yenye mvuto pembezoni mwa barabara.
• Kuhusisha sheria ndogo ndogo za usafi na mazingira ili ziweze kwenda na wakati uliopo.