BILIONI 261 KUTUMIKA UJENZI WA MIUNDO MBINU YA MWENDO KASI

Posted on: November 26th, 2020

Mkuu wa wilaya ya Temeke Mhe. Godwin Gondwe amefanya ziara kukagua maendeleo ya mradi wa ujenzi wa miundo mbinu ya usafiri wa mabasi yaendayo haraka (BRT) barabara ya Kilwa ( Kilwa Road).

Ziara hiyo imefanyika jana mchana ambapo Mhe. Gondwe akiwa na timu ya wataalamu kutoka taasisi mbalimbali wilayani humo, ametembelea eneo linalojengwa 'flyovers' vituo vya kupakia na kushusha abiria (Vituo mlisho 'feeder stations'),barabara, pamoja na kituo kikuu (Terminal) cha BRT Mbagala Rangi Tatu ambacho kinajumuisha vituo mlisho 6,karakana,sehemu ya maegesho ya mabasi yaendayo haraka,sehemu ya maegesho ya mabasi ya abiria (daladala), sehemu ya kujaza magari mafuta,na sehemu ya maegesho ya magari binafsi.

Akizungumza wakati akihitimisha ziara yake  Mhe. Gondwe amesema" kwanza nianze kwa kumshukuru Mhe Rais kwa kutuletea mradi mkubwa Temeke,mradi huu gharama yake ni sh.bilioni 261,nataka nichukue fursa hii kuwaambia Wana Temeke kwamba Dkt. John Pombe Magufuli yupo kwa ajili yao,na anaendelea kuboresha miundombinu ili wao waweze kusafiri vizuri"

Aidha  amewataka waliopewa kusimamia ,pamoja na wanaofanya kazi ya ujenzi,kufanya kazi vizuri na kwa wakati" Na ninyi mnaofanya kazi hii,Serikali imewaamini,TANROADS ninyi ndio waajiri,simamieni kazi vizuri.Mhandisi mshauri afanye kazi yake inavyotakiwa,na wale ambao ni wajenzi wahakikishe kwamba wanafanya kazi ndani muda wa mkataba ambao wamekubaliana na Serikali ili mradi huu usichukue muda mrefu kukamilika,wananchi waweze kunufaika mapema na miundo mbinu mikubwa ambayo inatengenezwa . 

"Amesisitiza Mhe.Gondwe.Vilevile Mhe. Gondwe amewataka TANROADS  kuchukua hatua stahiki kwa mujibu wa mkataba,endapo  kazi hiyo haitakamilika ndani ya muda wa makubaliano.Katika hatua nyingine Mhe. Gondwe ameagiza kushughulikiwa kwa haraka changamoto zote zinazosababisha mradi huo kutokwenda kwa kasi iliyokusudiwa.Kazi za ujenzi wa Mradi  wa miundo mbinu ya BRT zimegawanywa katika sehemu 2 (LOTS),ambapo LOT 1  inahusisha  ujenzi wa barabara ( KM 20.3),'Flyovers' 2,vituo vya  mabasi 29 na daraja moja la juu la waenda kwa miguu.LOT 2 inahusisha  ujenzi wa karakana ( Depot),vituo vikuu na vituo Mlisho 4.