DC JOKATE AFUNGUA MASHINDANO YA UMITASHUMTA NA UMISETA DSM

Posted on: July 18th, 2022

- Awataka wanafunzi kushinda makombe yote ya UMITASHUMTA na UMISETA Tabora

-Apongeza ushiriki Mkubwa wa wanafunzi

-Ataka bajeti kutengwa ya uendeshaji wa Michezo

- Kwa upande wake Afisa Elimu wa Mkoa wa Dar es Salaam amesema michezo hii hufanyika kila mwaka na kutaja aina za michezo inayochezwa

Mkuu wa Wilaya ya Temeke Mhe. Jokate Mwegelo  tarehe 18 Julai 2022 amefungua rasmi mashindano ya UMITASHUMTA na UMISETA katika Mkoa wa Dar es Salaam yaliyofanyika katika Uwanja wa Uhuru

Mhe. Jokate amewataka wanafunzi hao kucheza kwa bidii na nidhamu ili kupata wachezaji Bora Kisha timu Bora ya Mkoa wa Dar es Salaam itakayopelekea (kunyakua) kushinda Makombe Yote huko Tabora

Hata hivyo DC Jokate ametumia nafasi hiyo kupongeza ushiriki Mkubwa wa wanafunzi kutoka Shule mbalimbali za Mkoa wa Dar es salaam

Vilevile Mhe. Jokate ametaka kutengwa bajeti ya uendeshaji wa Michezo itakayosaidia kutekeleza michezo hiyo pasipo na matatizo yoyote

Kwa upande wa Afisa Elimu wa Mkoa Bw. Abdul Maulid amesema kuwa michezo hii hufanyika kila mwaka na kwa mwaka huu michezo inayochezwa na wanafunzi hao Ni pamoja na Mpira wa Miguu, Riadha, Volleyball, Basketball, na Netiboli kwa upande wa  michezo ya Walemavu kuwa ni Riadha, Mpira maalum kwa viziwi na Mpira wa kengere

"Takwimu Sahihi ni Msingi wa Mipango Bora ya Taifa" Shiriki Sensa ya Watu na Makazi kwa Maendeleo yetu.