DC TEMEKE AAHIDIKUFANYIA KAZI CHANGAMOTO ZA UKATILI WA KIJINSIA

Posted on: March 6th, 2023

Na:Shalua Mpanda-TMC Habari

Ikiwa vitendo vya ukatili wa kijinsia vinaendelea kushika kasi nchini,Mkuu wa wilaya ya temeke mheshimiwa Mwanahamisi Munkunda amesema atahakikisha anafanyia kazi changamoto hiyo katika wilaya hii.

Akizungunza katika kilele cha maadhimisho ya Siku ya Wanawake duniani kiwilaya yaliyofanyika katika viwanja vya Mkapa leo Machi 6,2023 Mhe.Munkunda amewataka wananchi kutoa taarifa kwenye dawati la jinsia mara wanapoona vitendo hivyo katika jamii.

"Jambo hili la ukatili wa kijinsia ni kubwa kwa sababu linaanzia kwenye "grassroot"(mashina).Tuanze kupinga vitendo hivi kuanzia ngazi ya familia".Alisisitiza Mkuu huyo wa Wilaya.

Awali mkurugrnzi wa manispaa ya Temeke ndugu Elihuruma Mabelya alisema katika kuhakikisha wanatimiza ndoto za wanawake,Halmashauri hii inaendelea kutekeleza takwa la kisheria la utoaji wa mikopo isiyo na riba inayotokana na mapato ya ndani.

Mwenyekiti wa Huduma za Jamii ambaye pia ni diwani wa viti maalum Mhe.Mariam Mtemvu amewasihi wanawake kutokuwa waoga katika kuomba na kugombea nafasi mbalimbali za uongozi katika Jamii.

Maadhimisho hayo yaliyoanza wiki iliyopita yalitanguliwa na shughuli mbalinbali za kijamii zilizofanywa na taasisi za wanawake zikiwemo kufanya usafi katika eneo la Buza na kutembelea kituo cha Yatima Group Trust Fund na kutoa misaada mbalimbali.