DC TEMEKE ATAKA HATUA ZA HARAKA KUCHUKULIWA KUKOMESHA UVUNJIFU WA MAADILI MASHULENI.

Posted on: March 16th, 2021

Mkuu wa wilaya ya Temeke Mheshimiwa  Godwin Gondwe, ametoa maelekezo kwa uongozi wa shule ya msingi Toangoma ,pamoja na uongozi wa kata, kuchukua hatua za haraka kukomesha vitendo vya uvunjifu wa maadili vinavyodaiwa kukithiri katika shule hiyo.

Mhe. Gondwe ametoa maelekezo hayo leo ,majira ya mchana wakati alipotembelea shuleni hapo  kwa lengo la kupata ukweli wa kile kilichoripotiwa na vyombo vya habari kuhusu kukithiri kwa vitendo vya ngono.

Akizungumza na walimu wa shule hiyo Mhe. Gondwe aliwataka walimu hao kuzungumza wanachokifahamu kuhusu vitendo hivyo,ambapo walimu walieleza hali halisi iliyopo,ndipo mkuu huyo wa wilaya akatoa maelekezo kuhusu hatua za kuchukua,ambapo amesema" Natoa siku saba (7) kwa uongozi wa shule na uongozi wa kata mkutane,mkae,muweke mikakati ya pamoja,na baada ya ninyi kukutana,mtendaji wa mtaa ,aitishe mkutano wa mtaa ambao utawahusisha  viongozi wote wa kata,kamati ya ulinzi na usalama ya kata,Afisa ustawi wa jamii,Afisa maendeleo ya jamii,Afisa Afya,uongozi wa shule,wazazi na wazee mashuhuri  wa mtaa,ili kwa pamoja wakubaliane ni kwa namna gani vitendo hivyo vitakoma.Suluhisho la kudumu la tatizo hili litapatikana kwa kutumia ushirikishwaji wa pamoja''.Kadhalika Mhe. Gondwe ameagiza kufukuzwa shule kwa wanafunzi watatu(3) ambao wamethibitika kuwa vinara wa vitendo hivyo viovu.

Sambamba na hilo, ameagiza kupigwa kwa kura ya siri kwa kila darasa,ili kuwabaini wanafunzi wote wanaojihusisha na vitendo hivyo,na baada ya kuwabaini, wafanyiwe uchunguzi wa kitabibu  kuthibitisha tuhuma hizo.Baada ya kuthibitisha,wazazi wao waambiwe kwa uwazi,na hatua stahiki za kitabibu zichukuliwe kwa wale walioathiriwa kiafya  na kisaikolojia.Na kwa wale vinara,hatua kali za kisheria zichukuliwe,ikiwemo kuondolewa shuleni.

Aidha Mhe. Gondwe ameelekeza kuwepo kwa walimu washauri katika  kila shule ambao watahusika kuwashauri wanafunzi kuhusiana na masuala mbalimbali yahusuyo malezi na makuzi ,pamoja na kufuatilia mienendo yao.Mhe. Gondwe pia ameagiza kuanza kwa kampeni ya Binti shujaa ,natimiza ndoto zangu