DHAMIRA YA SERIKALI YENU NI SAFI KABISA-WAZIRI MAJALIWA

Posted on: October 5th, 2024

Ndugu Wananchi dhamira ya Serikali yenu ipo safi kabisa, Mipango ya Serikali yenu iko safi kabisa, Mwenendo wa Serikali hii chini ya Daktari Samia Suluhu Hassan ipo safi kabisa, iko imara na itaendelea kuwatumikia mpaka Mwisho, Ni jukumu langu kupita kila eneo na kuwahakikisha haya.

Serikali imetenga fedha zaidi ya Bilioni 76 kwa ajili ya kurejesha miundombinu iliyoharibika, ili irudishwe kwenye uhai wake na wanachi waweze kuitumia.

Serikali imelenga kuongeza matumizi ya nishati safi ya kupikia, tuachane na kutumia kuni na mkaa badala yake tuanza kutumia nishati safi ya gesi na umeme ni matumaini yetu tutakuwa na umeme mwingi baada kufungulia injini zote 9 na kuachilia umeme uingie kwenye gridi ya Taifa. Rais wetu Dkt. Samia Suluhu Hassan ndio 'Champion' wa Bara la Afrika katika Matumizi ya Nishati safi na tunamuona anakwenda katika Nchi mbalimbali akihamasisha matumizi ya nishati safi hivyo tumuunge mkono'.

Ni maneno katika hotuba yake Mhe. Kassim Majaliwa Waziri Mkuu wa Jamhuri ya Muungano wa Tanzania alipokuwa akifanya Mkutano wa hadhara na Wananchi wote katika Viwanja vya Maturubai, Mbagala Wilayani Temeke.