Doris Primary School yatoa msaada wa nguo za michezo kwa wanafunzi wa UMITASHUMTA Manispaa ya Temeke.

Posted on: June 7th, 2019

Halmashauri ya ya Manispaa ya Temeke yapokea msaada wa  nguo za michezo (Track suit) 120 toka shule ya Msingi Doris iliyopo kata ya Kijichi katika Manispaa ya Temeke.

Akikabidhi  nguo  hizo Mkurugenzi wa Shule ya Doris ndugu Sospeter Kondela  alisema  track suit 100 ni kwaajili ya wanafunzi na 20 ni kwaajili ya walimu wasimamizi wa michezo, pia alibainisha kuwa shule hiyo itaendelea kusimamia suala zima la michezo kwani ni kigezo mojawapo cha taaluma kwa wanafunzi.

“katika kuhakikisha shule  zinarudi katika hadhi yake kimichezo , tumeamua kutoa msaada wa track suit hizi ili kuwapa motisha wanafunzi katika mashindano haya ya michezo yajayo.alisema Mkurugenzi wa shule hiyo.

Akipokea  jezi  hizo mbele ya Mkurugenzi  wa Manispaa ya Temeke, Mstahiki Meya Abdallah Chaurembo alisema amefurahishwa kwa jinsi ambavyo shule hiyo ilivyoonesha uzalendo kwa Manispaa yake, na kuwataka kuwa wazalendo kwa miaka mingine ili kuwapa wanafunzi hari na motisha katika suala zima la michezo mashuleni.Alisema Mstahiki Meya.

Nae Mkurugenzi Mwakabibi aliishukuru shule ya Doris Primary School kwa jinsi walivyoguswa na kuamua kuleta nguo hizo ambazo zitawasaidia kuleta hamasa  katika michezo.

“Kama Taifa ,mmeonesha uzalendo wa hali ya juu sana na kama Manispaa tunawajibu wa kuhakikisha michezo mashuleni inazingatiwa ili kuhakikisha afya ya ubongo kwa wanafunzi inaboreshwa”Alisema Mwakabibi

Akitangaza rasmi tarehe ya  ufunguzi wa UMITASHUMTA (Umoja wa Michezo na Taaluma Shule za Msingi Tanzania) Afisa Elimu Msingi wa Manispaa ya Temeke Bibi Dafrosa Ndalichako ,alisema ufunguzi wa michezo ya  UMITASHUMTA itafanyika  Jumatatu ya tarehe 10/06/2019 katika uwanja wa Taifa, ndani ya Manispaa ya Temeke.