"Fanyeni zoezi hili la uhakiki wa Kaya maskini kwa uaminifu" - Mratibu TASAF Temeke.

Posted on: December 7th, 2020

Wawezeshaji wa Mfuko wa Kunusuru Kaya  Maskini nchini(TASAF) ngazi ya wilaya wametakiwa kuwa waaminifu katika zoezi la uhakiki linalotarajia kufanyika kwa siku mbili kuanzia kesho wilayani Temeke jijini Dar es salaam.

Wito huo umetolewa na mratibu wa TASAF wa Wilaya hiyo Bi Tatu Ambakisye katika semina iliyowashirikisha maafisa ugani 53 wanaotarajia kufanya zoezi hilo katika mitaa 81.

"Pesa inayotumika kwenye zoezi hili ni ya serikali na ndio maana wamekula kiapo cha utii na wanatakiwa wakafanye kazi hii kwa umakini"Alisisitiza mratibu huyo.

Bi Zafarani Kapompo,mshiriki katika semina hiyo amesema ana imani kuwa zoezi hilo litaenda vizuri kutokana na changamoto zilizojitokeza  awamu iliyopita kupatiwa ufumbuzi.

"Nawaomba wananchi na viongozi wa maeneo tunayoenda kufanya uhakiki huu watupe ushirikiano"Alisema Bi Zafaarani.

Uhakiki wa kaya maskini katika baadhi ya mitaa ya Manispaa hiyo unafanyika ikiwa ni awamu ya pili baada ya awamu ya kwanza iliyofanyika Juni mwaka 2020 kutokukamilika kutokana na sababu mbalimbali