KATIBU TAWAA DSM AVUTIWA NA USHIRIKIANO WA WATUMISHI TEMEKE

Posted on: August 25th, 2022

Umoja na ushirikiano kati ya uongozi na watumishi wa manispaa ya Temeke umemvutia Katibu tawala wa mkoa wa Dar es salaam Bi.Rehema Seif.

Akizungumza na watumishi wa idara mbalimbali katika ukumbi wa Iddi Nyundo leo Agosti 25,2022;Katibu tawala huyo amesema kwa maoni ambayo ameyasikia kutoka kwa watumishi hao,ni dhahiri kuwa uongozi na watumishi wanaishi kama familia moja.

"Mimi hapa nimekuja kuwasikiliza,nataka nisikie yote lakini kwa hali ninavyoiona hapa kama lingekueepo tatizo ningesikia minong'ono ya chinichini,niwapongeze kwa kuishi kama familia moja".Alisema Bi.Rehema.

Aidha amesema baada ya kuwasikiliza anafikiria kuanza ziara ya kukagua miradi mbalimbali inayotekelezwa ndani ya Manispaa hiyo inayofanya vizuri kwenye ukusanyaji wa mapato ya ndani.

Mkurugenzi wa manispaa ya Temeke ndugu Elihuruma Mabelya amesema kutokana na ofisi yake kuwa wazi wakati wote,imesaidia kwa kiasi kikubwa kupunguza malalamiko na changamoto mbalimbali za warumishi.

Katibu tawala huyo anafanya ziara ya kujitambulisha katika Mkoa huo mara baada ya kuteuliwa hivi karibuni na mheshimiwa Rais akichukua nafasi ya aliyekuwa Katibu tawala Bw.Hassan Rugwa