KIGAMBONI WAPEWA SOMO NA MANISPAA YA TEMEKE

Posted on: January 20th, 2025

Na: Sweetbetter Njige

       TMC Habari

Leo Disemba 20, 2024 mkurugenzi wa manispaa ya Temeke ameongoza mafunzo yaliyojumuisha masuala mbalimbali ya kiutendaji kwa watumishi (wakuu wa idara na vitengo) waanispaa ya Kigamboni.

Akizungumza katika kikao hicho mkurugenzi Satura ametoa maelezo ya kina juu ya mchakato uliopitiwa mpaka kufanikisha kuundwa kwa kanda za ukusanyaji mapato (cluster) 6 na njia mbalimbali zinazotumiwa kufikia malengo ya ukusanyaji mapato. Alisema

"Muda mwingi tunatumia kufikiri namna tunavyoweza kukusanya mapato, namna ya kwanza ni kujua mapato yenyewe ni yapi?  Tulianza kwa kuorodhesha vyanzo vya mapato na kuangalia ndani ya hivyo vyanzo vingapi vina sheria kama muongozo na 'rate' zake zipoje. Pili tuka 'share' experience ya ukusanyaji mapato na kulinganisha kisha kujua namna ya kukusanya kutoka kwenye chanzo husika.

Aidha Mkurugenzi Satura amewakumbusha watendaji hao kuwa ili manispaa ifanikiwe katika ukusanyaji mapato inapaswa kuzingatia mambo yafuatayo

"Tulikugundua tunaoaswa kuacha mazoea ya kukusanya vyanzo tulivyovizoea tu bila ku "brainstorm" vyanzo vipya na kushirikisha watu wote muhimu kwenye utendaji (wakuu wa idara na vitengo) katika vikao vya mapato ili waelewe umuhimu na uzito wa maamuzi ya vikao hivyo".

Naye Mkurugenzi wa manispaa ya Kigamboni ndugu Erasto Kiwale kwa niaba ya wataalam wa manispaa hiyo amemshukuru Mkurugenzi Satura na watumishi wote kwa kuwezesha mafunzo hayo yatakayokuwa chachu katika ukuaji wa manispaa Kigamboni.