KIKAO CHA MTAKUWWA NGAZI YA WILAYA

Posted on: December 15th, 2022

TMC Habari.

Kamati ya ulinzi na usalama  wa mwanamke na mtoto manispaa ya Temeke leo 15 Dec 2022  imekutana na  kufanya kikao cha kikanuni cha robo ya 2,  ambacho kimejumuisha wajumbe kutoka idara mbalimbali.

Akitoa taarifa kwa upande wa jeshi la polisi-dawati la jinsia Inspecta Blandina Ndunguru amesema hali ya ukatili ni kubwa, lakini elimu imeanza kusaidia Wananchi kupata uelewa kwa kusaidiana na Maafisa Ustawi wa Jamiii.

"Jumla ya matukio 41 ya ubakaji yameripotiwa kwa kipindi cha Julai-Disemba,hali ya ukatili bado ni changamoto, lakini Wananchi wameanza kupata uelewa wa jumla juu ya ukatili kwa kupitia elimu wanayopata kutoka kwa Maafisa Ustawi wa Jamii, wanatambua ukatili ni nini na unafanyikaje, bado wanahitaji elimu zaidi, tunajitahidi kutoa elimu kila tunapopata nafasi katika mikutano na hafla mbalimbali".

Akieleza mafanikio yaliyopatikana kwa upande wa Mahakama mkuu wa mashtaka kutoka ofisi ya mashtaka kanda ya Temeke Bi. Anusiata Leopard alisema

"Mahakama imepunguza muda wa usikilizaji wa mashauri haya kutoka miezi 06 hadi kufikia miezi mitatu (03) tangu kusajiliwa na kuanza kusikilizwa, hii itasaidia kumaliza kesi hizi kwa wakati"

Kwa upande wa wadau PASADA chini ya mradi wa ACHIEVE wakiwakilishwa na ndugu Erick Tryphon kwa kazi kubwa wanayofanya katika kupinga ukatili wa kijinsia na watoto.

Manispaa ya Temeke kupitia idara ya Afya kitengo cha  Ustawi wa Jamii inaungana na Taifa na Wizara husika kupinga ukatili wa kijinsia na kuweka usawa katika jamii hasa kwa kutoa elimu kwa ngazi mbalimbali ikiwemo shule za Msingi na Sekondari.