Maadhimisho Wiki ya Utumishi wa Umma.

Posted on: June 26th, 2018

Afisa Utumishi wa Ofisi ya Mkuu wa Wilaya ya Temeke ndugu Rajab Mafuku, awaasa watumishi wa umma kuzingatia maadili,kanunina taratibu za kazi katika  sherehe za maadhimisho ya wiki ya utumishi wa umma yaliyofanyika jana katika kata ya Mbagala Jijini Dar es salaam

Katika salam zake alizozitoa kwa niaba ya katibu Tawala wa Wilaya, ndugu Mafuku aliwaasa watumishi  kurejeakanuni za kazi zilizoainishwa kisheria na kusimamiwa na Ofisi ya Rais menejiment ya utumishi wa umma na utawala bora.

Akizungumza wakati wa kuhairisha sherehe hizo, ndugu Rajab  aliwaasa Watumishi kuzingatia misingiya utumishi wa umma.

''ninawataka kuhakikisha mnazifaham sheria na taratibu za kazi kwa kuzingatia kuwa utumishi wa umma unahusisha watu wengi, hivyo yabidi kutambua  kuna taratibu na miongozo mbalimbali ya kazi''. alisema

Pamoja na hayo aliwakumbusha kuhusu mahudhurio kazini, misingi ya utawala bora, mkataba wa huduma kwa mteja na misingi ya utumishi wa umma.

Vile vile aliwataka kuhakikisha ushirikishwaji wa wananchi ni wa hali ya juu kuanzia ngaziya Wilaya ili kuepusha sintofahamu zinazoweza kujitokeza.

''endapo wananchi watashirikishwa ipasavyo katika nyanja zote za maendeleo , hakika hapatakuwepo na msongamano wa malalamiko katika Ofisi  ya Mkuu wa Wilaya kwakuwa kila kero itatatuliwa kwa wakati pamoja na ushirikishwaji usioacha maswali  yakutokuridhika alisisitiza’’ Afisa Utumishi.

Nae Afisa kero wa Manispaa Temeke ndugu Robert  Hamis aliwataka watumishi kuhakikisha wahudumia wananchi kwa weledi ili kupunguza kero.

''tunaposhindwa kuwahudumia wananchi kwa kuzingatia maadili ya kazi tunasababisha kuwepo kwa kero nyingi mno hatimae kushindwa kufanya kazi kwa weledi kwa ustawi wa Manispaa yetu , hivyo basi  nawasihi tuzingatie maadili ya kazi ili tuwe Wilaya ya mfano katika maendeleo'' .Alisema

Wiki ya Utumishi wa Umma huadhimishwa kwa lengo la kukumbushana taratibu, kanuni na sheria za kazi katika kuhakikisha haki na usawa na usalama unakuwepo mahali pa kazi.