MAAFISA HABARI NCHINI "WAFUNDWA" JINSI YA KUELIMISHA JAMII KUHUSU UBORSHAJI WA DAFTARI LA WAPIGA KURA

Posted on: June 16th, 2024

MAAFISA HABARI NCHINI "WAFUNDWA" JINSI YA KUELIMISHA JAMII KUHUSU UBORESHAJI WA DAFTARI LA WAPIGA KURA.

Tume huru ya Taifa ya uchaguzi

imefanya Mkutano na maafisa Habari wa Mikoa na Halmashauri zote Nchini.

Mkutano huo ambao lengo lake ni kuwajengea uelewa sambamba na kujenga mahusiano kati ya Tume na Maafisa hao ambao ni kiungo muhimu katika kuelimisha,kuhamasisha na kutoa taarifa mbalimbali kwa Wananchi umefanyika katika Ukumbi wa Mikutano wa Mlimani 'City'

Akizungumza wakati akifungua Mkutano huo Juni 15,2024 ,Mkurugenzi wa uchaguzi ,ndugu Ramadhani Kailima amewasisitiza maafisa Habari kuisaidia Tume huru ya Uchaguzi kutoa elimu juu ya uboreshaji wa daftari la Wapiga kura pamoja na taarifa zote muhimu kuhusu uchaguzi ambazo Wananchi wanapaswa kuzifahamu.

Naye Mkurugenzi wa idara ya Habari na elimu ya mpiga kura Bibi Giveness Aswile amesema kuwa Maafisa Habari ndio sikio na mdomo wa Serikali,kwa kulitambua hilo ndio sababu Tume imeona umuhimu wa kukutana na kuzungumza nao,na kwamba huo ni mwanzo tu,watarajie ushirikishwaji mkubwa zaidi kwa siku za usoni.

Aidha Bi Aswile amewataka Maafisa Habari kuonesha ushirikiano zaidi kwa kuendelea kuisemea Tume,sambamba na kuelimisha Wananchi kuhusu Sheria,kanuni na taratibu za uchaguzi ili kuondoa upotoshwaji unaofanywa na watu wasiokuwa na nia njema.

Katika kikao hicho,mada mbili ziliwasilishwa,ya kwanza ilikwa ni uboreshaji wa daftari la wapiga kura,ya pili ; Uboreshaji daftari la wapiga kura,mifumo na vifaa vitakavyotumika.