Magufuri mkombozi wa wazee Temeke

Posted on: July 19th, 2018

Wazee wa Temeke kata ya Mtoni wamemshukuru Rais wa awamu ya tano wa Tanzania, Dr John Pombe Magufuli kwa kutekeleza ahadi yake ya kutoa matibabu bure kwa wazee.

“namshukuru sana Rais wangu Mungu ajalie heri awe na moyo huohuo wakutukumbuka wazee,naskia hadi kulia (kilio) tulikua tunateseka sana wazee,ila leo tumeoneka” alisema Mzee Hamadi Mkaudya

Hayo yalisemwa leo wakati wa ugawaji  wa vitambulisho vya matibabu ya bure kwa wazee wa kata ya Mtoni Temeke.Ambapo wazee wlikusanyika kwa wingi katika ofisi yaMtendaji Mtoni  nakutoa shukrani zao mara tu baada yakupokea vitambulisho vyao.

Alipokua akiwakumbusha wazee ahadi ambazo Mh:Rais ametekeleza hadi sasa kupitia Irani ya Chama Cha Mapinduzi, Katibu tarafa Chang'ombe Bib:Agness Kyando ambaye alikua mgeni rasmi wa ugawaji  wa vitambulisho hivyo alisema ''serikali ya mapinduzi haijalala inahakikisha wananchi wake wanapata huduma bora katika kila sekta, kwa upande wa afya tuliahidi kutoa vitambulisho vya wazee kwa ajili ya matibabu bure sasa ahadi hii imetekelezeka''.

Aliongeza Bib: Kyando kupuuza na kutokusikiliza watu wanao pinga juhudi zinazofanywa na serikali kwa wananchi wake,badala yake wanajisafisha kwakusema wao ndio wamefanikisha juhudi hizo kwa malengo yao ya kisiasa.

Nae afisa ustawi wa jamii Manispaa ya Temeke Bib:Mafole aliwakumbusha wazee umuhimu wa ustawi wa jamii katika jamii zao,hivyo endapo watapata tatizo lolote katika upataji huduma wasisite kutoa taarifa ili kupata msaada. Pia alisisitiza kuwa zoezi hili ni endelevu,hakuna gharama yoyote inayotozwa ili kupata kitambulisho.

Utoaji wa vitambulisho vya wazee ni moja kati ya ahadi na mikakati ambayo serikali inatekeleza kupitia irani ya uchaguzi ya ccm ili kuboresha afya za wazee kwakupata tiba bure. Hivi leo Halmshauri ya Manispaa Temeke ikiwa moja kati ya Halmashuri 5 zinazounda jiji la Dar es Salaam imetekeleza kwa kutoa vitambulisho katika kata zote 23 zilizopo katika Manispaa hiyo.