"MAJINA YENU YATABAKI KAMA KUMBUKUMBU KWETU" MHE. MTINIKA

Posted on: October 21st, 2022

Mstahiki meya wa manispaa ya Temeke,Mhe. Abdallah Mtinika leo Oktoba 21,2022 amekutana na wadau mbalimbali wa utunzaji wa mazingira katika ukumbi wa Idd Nyundo na kuwakabidhi vyeti vya kuthamini mchango wao katika kutunza mazingira.

Akizungumza katika hafla hiyo Mhe.Mtinika ambaye alikuwa mgeni rasmi amesema kuwa mbali na vyeti hivyo,majina yao yatabaki kuwa kumbukumbu ya kudumu katika Manispaa hii.

"Suala la mazingira ni nyeti sana na ni moja ya ajenda za  Dunia,kwa hiyo niwapongeze sana kwa jambo hili lakini si vyeti tu bali majina yenu yatabaki kuwa kumbukumbu  kwetu".Alisema Mstahiki Meya huyo

Awali akimkaribisha mgeni rasmi,Mkurugenzi wa Manispaa ndugu Elihuruma Mabelya alisema Ofisi yake inaunga mkono juhudi za utunzaji wa mazingira, na ipo tayari kutoa ushirikiano.

Baadhi ya wadau waliokabidhiwa vyeti hivyo wamepongeza hatua hiyo ya kuwatambua na kuwatunukia vyeti hivyo kwa kuwa vitaongeza ari ya kuendelea kutunza mazingira.  Wadau waliohudhuria hafla hiyo ni pamoja na shule za Sekondari na Msingi,Taasisi za Fedha,Vyombo vya Ulinzi na Usalama,Chama Cha Skauti Wilaya ya Temeke,Vikundi vya Uzoaji taka,kampuni mbalimbali,TFS na taasisi binafsi.