Makangarawe wanufaika na mpango wa kunusuru kaya masikini.

Posted on: June 8th, 2018

TASAF  awamu ya tatu imezidi kunufaisha wakazi wa Makangarawe  ndani ya manispaa ya Temeke, ambapo kiasi cha shilingi 97,610,000.00 (Milioni tisini na saba,laki sita kumi elfu) zimelipwa  kwa ajili ya ruzuku za msingi na ruzuku za masharti.

Akizungumza katika ziara hiyo Meneja mradi TASAF Makao makuu Bibi Elisifa Kinasha alisema, anayofuraha kubwa kwa ujio wa wageni hao toka Shirika la Maendeleo la Uingereza ambao wamekuja kujionea hali halisi ya utekelezwaji wa mradi huo, na kuridhishwa na jinsi mgawanyo wa fedha unavyozingatia vigezo na kunufaisha wananchi wa hali ya chini wanaohitaji msaada huo.

Aliwaeleza wanakikundi  hicho kuwa, endapo watatumia fedha hizo kwaajili ya kuwekeza na kufungua biashara ,wataweza kuzalisha na kuongeza kipato chao,Alisisitiza

Nae Isabela toka shirika la Maendeleo la Uingereza alisema ikiwa fedha hizo zitatumika na kuwafikia walengwa zitasaidia kupunguza tatizo la umasikini na kumudu gharama za maisha.

''Wanawake ni nguvu kazi ya maisha ikilinganishwa na wanaume, hivyo wananafasi  kubwa ya kuinua  uchumi ndani ya familia''.Alisema Isabela

Alisema licha ya wanawake wengi kujishughulisha na biashara ndogondogo bado wanakabiliwa na changamoto, ikiwa ni pamoja na mtaji mdogo  kutokushirikishwa katika maamuzi , ukosefu wa eneo la usindikaji wa vyakula, ukosefu wa elimu ya ujasiriamali, ukosefu wa mtaji wa utoshelezaji wa bidhaa wanazozalisha katika vikundi vyao, hali duni ya maisha pamoja na ukosefu wa maeneo ya kufanyia biashara zao.

Mwenyekiti wa kata ya Makangarawe ndugu Abdulkareem Lameck alishukuru kwa msaada huo na kuahidi kusimamia vema kundi ili kuhakikisha wanajikwamua kimaisha.

Mtaa wa Makangarawe una jumla ya wakazi 8,654 ambapo wanaume ni 4,164 na wanawake ni 4,490. Jumla ya kaya ni 2,190 hii ni kwa mujibu wa sensa ya mwaka 1912. Kaya zinazonufaika na mpango wa kunusuru kaya masikini ni 87.