Manispaa ya Temeke yazindua gari jipya la wagonjwa

Posted on: March 29th, 2019

Mkuu wa Wilaya ya Temeke Mh felix Lyaniva amezindua gari la wagonjwa ambapo litakuwa chachu ya huduma bora ya Afya kwa wananchi wa Manispaa ya Temeke.

Akikabidhi gari hilo alisema

"Ninawakabidhi gari hili likiwa jipya kabisaaa naomba mlitumie kama ilivyokusudiwa sitafurahi kusikia gari hilo linabebea mkaa au kufanya biashara nyingine zaidi ya kubeba wagonjwa tu" alisisitiza

Nae mstahiki Meya Mh Abdallah Chaurembo alisema "nimefurahi sana kwasababu malengo tuliyojiwekea kama halmashauri hatimae Leo yametimia,tumeweza kununua gari kwa mapato yetu ya ndani na bado tunampango wa kununua gari jingine ambalo litakuwa maalum kwaajili ya kukusanya mapato.

Sambamba na hilo Mkurugenzi wa Manispaa ya  Temeke Ndugu Lusubilo Mwakabibi aliwashukuru wafanyakazi wote kwa jinsi wanavyokusanya mapato kwa bidii.

"Nawapongeza kwa namna zoezi la ukusanyaji mapato lilivyoenda,nawashukuru kwa jinsi walivyofanya kazi katika hali zote bila kukata tamaaa na hatimae Leo matunda ya kazi ile tumeyaona kwa kununua gari la wagonjwa jipya kabisaa, hii ni historia ya kipekee kabisa.  "Alisema Mwakabibi.

Gari hilo la kuhudumia wagonjwa litahudumu katika hospital ya Zakhem-Mbagala  iliyopo Manispaaa ya Temeke na litapunguza tatizo la uhaba wa magari hayo hivyo wagonjwa kuhudumiwa kwa wakati na kurahisisha kutolewa  kwa mgonjwa toka eneo moja kupelekwa eneo lingine ili kupatiwa huduma bora zaidi.

Ifahamike kwamba utaratibu huu ni moja kati ya mikakati mingi ya Halmashauri ya Manispaaa ya Temeke ya kuhakikisha inakusanya mapato yake ya ndani toka kwa wananchi na kurudisha tena kwao kwa namna ya tofauti ikilenga kuboresha maisha ya wananchi wake, kama ilivyo kwa ujenzi wa kituo cha Afya  Yombo vituka.