MATARAJIO YETU KUCHANJA WAHUSIKA KWA ZAIDI YA 100%

Posted on: May 19th, 2022

Na Sweetbetter Njige,

Wilaya ya Temeke imezindua rasmi kampeni ya siku nne ya chanjo ya polio kwa watoto wenye umri chini ya miaka mitano (5) mbele ya mgeni rasmi mkuu wa wilaya Mheshimiwa Jokate Urban Mwegelo Leo Mei 18,2022 katika kituo cha afya Buza-Temeke, kampeni itakayodumu kuanzia leo Mei 18- Mei 21,2022.

Akisoma risala mbele ya Mkuu wa wilaya mganga mkuu wa wilaya Daktari Irine Haule alisema anamatarajio makubwa ya kufanikisha kampeni hiyo kwa kishindo.

"Tayari tumeanza matangazo matika maeneo mbalimbali,wataalamu,watoa huduma na wasimamizi wetu wameshapewa mafunzo hivyo tunategemea kuchanja watu wanaokusudiwa kwa 100% na hata zaidi"

Akizindua kampeni hiyo DC Jokate aliambatana na Mshahiki Meya halmashauri ya manispaa ya Temeke Mhe. Abdallah Mtinika,mkurugenzi wa manispaa Ndugu Elihuruma Mabelya,Viongozi wa hospitali,mganga mkuu wa Wilaya Daktari Irine Haule,mratibu wa chanjo Temeke Jumanne Kagodah,viongozi wa dini na Wananchi hususan kina mama waliofika kuwapatia watoto chanjo ya Polio.

Mhe. Jokate alisema Wanatemeke kwa pamoja tuhakikishe watoto wetu wanapata chanjo ili kuwakinga dhidi ya maradhi ya kupooza na kuwakinga wengine kutoambukizwa magonjwa

"Kwanza kabisa nampongeza mganga mkuu wa hospitali hii kwa kuitunza kwa kweli ni mfano wa kuigwa ipo kama tulivyoikabidhi,lakini muhimu zaidi niipongeze serikali yetu ya awamu ya sita kwa juhudi za inazofanya,mgonjwa wa mwisho aliripotiwa 1996 inaonesha juhudi zinalipa,kampeni hii inalenga kuongeza uelewa juu ya ugonjwa,kuwafikia watoto wengi zaidi sasa tunaomba Viongozi wetu Madiwani,viongozi wa dini kuhamasisha juu ya hili".

Aidha DC Jokate amekemea upotoshaji unaofanywa na baadhi ya Watu juu ya utoaji wa chanjo mbalimbali nchini

"Sisi tukawe sehemu ya kampeni kwa kuwa mabalozi,tukaepushe upotoshaji,watu wakaelewe athari na namna gani ya kujikinga dhidi ya Polio,rai yangu tukatoe ushirikiano kwa maafisa watakaopita kutoa chanjo hata kama walishapata katika ratiba zaoza clinic. Nasisitiza,tukaulize maswali kwa wataalam" Alieleza Mkuu wa wilaya.

Naye Mshahiki Meya Abdallah Mtinika alitoa shukrani zake kwa Wananchi waliohudhuria tukio la ugunguzi na kuendelea kuwapongeza Wanawake kwa kuendelea kuwa mstari wa mbele katika mambo mbalimbali.