MD SATURA ATOLEA UFAFANUZI HOJA ZA WANA TEMEKE

Posted on: February 12th, 2025

Na: Sweetbetter Njige, TMC Habari

Mkurugenzi wa Manispaa ya Temeke Ndg. Jomaary Mrisho Satura ametolea ufafanuzi juu ya hoja mbalimbali zilizowasilishwa na Wananchi mbele ya Mkuu wa Mkoa wa Dar es salaam ikiwemo kuondolewa kwa Machinga wanaofanya biashara mbele ya nyumba au maduka binafsi, kuhusu maombi ya kutwaa uwanja wa TEFA kwa matumizi ya machinga na masuala mengine mbalimbali.

Ndg. Satura amejibu hoja ya Mwananchi aliyehoji juu ya "watu kufungiwa kwenye kontena" wanapokutwa na makosa na kupelekwa Manispaa. Amefafanua

"Tofauti na ilivyo kwa Halmashauri nyingi nilizopita (zilikua na vyumba kwa ajili ya kupumzishia watu) kila halmashauri ina kituo rasmi na msimamizi wa kituo wa level ya RPC kwa ajili ya enforcement ya sheria. Tumeghairisha hatutumii tena kontena kwa sasa badala yake tunawaweka nje chini ya ulinzi wa askari kutokana na kukosa vyumba"

Mkurugenzi Satura ameeleza nia njema ya Manispaaa kushiriki katika maendeleo endelevu ya Taifa kupitia mpango wa "biashara kwa saa 24" kwa kutekeleza miundombinu muhimu amesema

"Tunao mpango wa kuendeleza eneo hili la Tandika kwasababu ya mambo mawili, moja, kuvutia uwekezaji kutokana na kutengeneza uhakika, pili, kuweka viwango vya fidia na utwaaji wa maeneo utakua realistic"

Mkurugenzi Satura ametoa wito kwa Wafanyabiashara wadogo (machinga) kufanyabiashara zao kwenye maeneo rasmi ili wasipitwe na fursa muhimu hususani za kiuchumi zinazotolewa na Serikali.

Niwahakikishie tumekua na jitihada nyingi kama walivyosema tunapotaka kutoa fursa,kama mikopo ya 10% ni ngumu kujua utawapata wapi kutokana na kutokukopesha wakiwa kwenye maeneo yasiyo ramsi. Tunalenga kuwalasimisha ili wapate mikopo na kuchangia pato la serikali".

"Tumepata mahitaji ya taa 45 kwa eneo hili ili muweze kufanya biashara vizuri. Naamini baada ya kuona Wananchi wa Tandika walivyokupokea utakuja kufanyia uzinduzi wa, biashara masaa 24 hapa".