MEYA MTINIKA ATOA COMPUTER, VITABU NA VIFAA VYA MICHEZO

Posted on: May 23rd, 2024

Mstahiki meya wa manispaa ya Temeke Abdallah Mtinika,leo Mei 23,2024 ametembelea shule za sekondari Mikwambe na Changanyikeni na kukabidhi vitabu,vifaa vya michezo na kompyuta kwa ajili ya kurahisisha utendaji kazi katika Shule hizo.

Kukabidhiwa kwa vifaa hivyo pamoja na vitabu ni kutekeleza ahadi aliyoitoa katika shule ya sekondari Mikwambe alipoalikwa kama mgeni rasmi katika mahafali ya kidato cha nne mwaka jana.

"Nafahamu mna changamoto nyingi na zote haziwezi kuisha kwa mara moja ila hiki nilicholeta kitapunguza kwa kiasi kikubwa changamoto hasa Katika uchapaji wa mitihani,vitabu na michezo na ninaahidi nitakapopata fursa nyingine nitarudi tena kuwashika mkono".Alisema Meya Mtinika

Pamoja na mikwambe sekondari pia mhe. Mtinika alitoa vifaa kama hivyo kwa Changanyikeni sekondari.

Katika ziara hiyo mhe. Mtinika aliambatana na viongozi chama cha mapinduzi kata ya Toangoma na wadau wengine.

"Tunamshukuru mheshimiwa Rais Samia Suluhu Hassan kupitia Mstahiki meya Mtinika kwa kutuletea vifaa hivi ambavyo vitatuimarisha katika kuendeleza taaluma ya shule yetu".Alisema Jamila Hassan Mwl. Mkuu shule ya Sekondari Changanyikeni.