MKURUGENZI ATETA NA WATUMISHI TEMEKE

Posted on: September 5th, 2024

"Mimi kama Mkurugenzi ni dereva nimepewa usukani wa kuongoza ninyi wenzangu kwenye safari yetu hii. Matarajio yangu kwenu ninyi ni kuchapa kazi, kwa kuchapa kazi ndio tutakuwa tumesukuma gurudumu la maendeleo.

Ninatamani Temeke iwe 'Centre of Excellency' kwenye ukusanyaji wa mapato, utoaji wa huduma lakini pia kwenye kuheshimu Utu wa mtumishi, hayo ndio matarajio yangu kwenu ninyi watumishi wenzangu.

Ninawaahidi kuwapa ushirikiano mkubwa, Mkisikia Mkurugenzi ni mkali, mjue ninatetea heshima zenu na haki zenu. Mimi ninaapa kwenu sijawahi kumuonea mtu tangu nizaliwe ninapenda upendo, ninawaomba tupendane sana, maisha yetu ni hayahaya na hatuna kipande cha maisha zaidi ya haya sisi ndio familia....lakini familia hii hatuwezi kumruhusu mwizi, mzembe, muhuni ama jambazi. Tunatamani kuwa na familia nzuri yenye uzalendo mkubwa, kama ni resources tuzikusanye tutumie kwa pamoja lakini kubwa zaidi Wananchi wanufaike"

Ni Maneno ya Mkurugenzi Jomaary Mrisho Satura alipokuwa akiongea na Watumishi leo Septemba 04, 2024 katika ukumbi wa Iddy Nyundo