Mkurugenzi wa manispaa ya Temeke atangaza neema kwa walimu watakaoinua ufaulu wa wanafunzi

Posted on: January 17th, 2020

Mkurugenzi wa halmashauri ya manispaa  ya Temeke ndugu Lusubilo Mwakabibi ameahidi kutoa kiasi cha shilingi  Milioni 15 kwa ajili ya kuwapa motisha walimu wa sekondari watakaowezesha  wanafunzi wao kupata ufaulu wa daraja la kwanza  na la pili.

Mwakabibi ametoa ahadi hiyo wakati wa kikao cha kutathmini matokeo ya mitihani ya kidato cha nne na kidato cha pili  ambacho kimehusisha wadau wa elimu wakiwemo Afisa usalama wa wilaya, Kamanda wa polisi wa wilaya.Afisa elimu wilaya,waratibu elimu kata pamoja wakuu wa shule zote za serikali za  wilaya ya Temeke.

Akizungumza wakati wa hotuba yake                                                                                                                                                                                                              Mwakabibi amesema kwamba hafurahishwi na matokeo yaliyotoka na kwamba kila  mdau wa elimu anapaswa kuona kwamba ana deni la kuwasaidia watoto wa Temeke kupata matokeo mazuri ili waje kuwa watu watakaolisaidia Taifa baadae.

''Kila mtu ajitathmini kwamba ametimiza wajibu wake kwa kiasi gani kuhakikisha kwamba Temeke inapata matokeo mazuri, Afisa elimu kaa na watu wako wekeni mikakati ,matokeo ya kipindi kijacho yawe mazuri.

Serikali inaingia gharama kubwa katika utoaji elimu, Kila mtu ajisikie kuumia pale ambapo matokeo yanakuwa mabaya hii itatufanya tuwajibike ipasavyo mimi niko tayari kuwapatia  kuwapatia msaada wowote mtakaohitaji''.

Katika hatua nyingine Mwakabibi ametoa  kiasi cha shilingi laki moja kwa wakuu wa   shule tano za sekondari  ambazo zimefanya vizuri katika matokeo ya kidato cha nne 2019, shule hizo ni Chang'ombe, Kibasila  Buza,Lumo na Mbagala.

Manispaa ya Temeke imekuwa ikifanya vizuri katika njanja tofauti na dhamira ya mkurugenzi,wadau wa elimu  na uongozi wote kwa ujumla ni kuhakikisha kwamba katika suala la elimu,Wilaya ya Temeke inafanya vizuri katika kuhakikisha tunaunga mkono jitihada za Rais Dkt John Pombe Magufuli