Mkurugenzi wa Manispaa ya Temeke ndugu Lusubilo Mwakabibi,afanya ziara katika Mradi wa maendeleo ya uboreshaji Jiji la Dar es salaam.

Posted on: September 17th, 2018

Mkurugenzi wa Manispaa ya Temeke ndugu Lusubilo Mwakabibi,afanya ziara katika Mradi wa maendeleo ya uboreshaji Jiji la Dar es salaam(DMDP) na kujionea hali halisi na maendeleo ya kasi ya kuibadili taswira ya Manispaa ya Temeke kuwa mpya na ya mfano ndani ya Jiji la Dar es salaam.

Katika ziara hiyo ndugu Mwakabibi alijionea miradi mikubwa inayoendelea ndani ya Manispaa yake na kujivunia kuwa Temeke inakwenda kuwa ya hadhi katika nyanja zote za maendeleo pindi miradi hiyo itakapokamilika.

Pamoja na mambo mengine Mwakabibi alipata wasaa wa kuongea na wadau  mbalimbali  wa maendeleo,pamoja na wananchi waliopitiwa na miradi hiyo  na kumuahidi  kuitunza miundombinu yote na kuwa mabalozi wazuri katika vizazi vingine.

Katika ziara hiyo ndugu Mwakabibi alijionea ujenzi wa barabara ya Mwanamtoti yenye urefu wa 1.8 km, daraja la kijichi-Toangoma pamoja na barabara zake za milisho zenye  urefu wa  3.3km,ujenzi wa barabara ya Nzasa-Kilungule-Buza yenye urefu wa 7.6km,ujenzi miundombinu kata ya  Mbagala Kuu,pamoja na ujenzi soko la Kijichi.

Mkurugenzi aliwataka wakandarasi hususani wazawa kuhakikisha  wanafanya kazi kwa weledi na kuleta matokeo chanya katika kazi ili kuleta mabadiliko ya kweli na kuepuka ubabaishaji katika kazi.