Mkuu wa Wilaya ya Temeke asisitiza umuhimu wa vitambulisho kwa wajasiriamali.

Posted on: February 12th, 2019

Mkuu wa Wilaya ya Temeke Mh.Felix Lyaniva akutana na watendaji wa kata na  mitaa wa Halmashauri ya Manispaa ya Temeke,nakuzungumzia mustakabali mzima wa vitambulisho vya wajasiriamali

Akizungumza hayo katika ukumbi wa Idd Nyundo alisema  “Kiu yetu nikuona kila mfanyabiashara anapatiwa kitambulisho cha ujasiriamali,hatupo tayari kuona mfanyabiashara  mdogo ananyanyasika au kubugudhiwa” alisisitiza

Akitaja baadhi ya wafanyabiashara wadogowadogo wanaostahili vitambulisho  hivyo ni mama lishe,wakaanga chips,wauza vocha, wauza mahindi,mafundi simu na seremala,watembeza bidha,wapaka rangi kucha,wauza kokoto,wauza kuni,pamoja na waziba pancha nk.

Sambamba na hilo alisema ifikapo tarehe 28/02/2019 itakuwa ni mwisho wa ugawaji wa vitambulisho ,na baada ya hapo ukaguzi utafanyika kuwabaini wale wote wanaoendesha biashara ndogo ndogo bila kitambulisho.

‘’Kila mfanyabiashara ndogondogo anaeendesha shughuli zake katika maeneo yasiyo rasmi ni lazima watambulike kwa vitambulisho vinavyoendelea kutolewa katika kata na mitaa yao”alisisitiza

Ikumbukwe kuwa vitambulisho hivi vilitolewa na Rais wa Jamuhuri ya Muungano wa Tanzania Mh.Dr. John Pombe Magufuli mnamo mwezi  Disemba  2018.