RAIS SAMIA SULUHU HASSAN ATENDA TENA KWA WAKAZI WA KURASINI

Posted on: September 27th, 2024

Mkuu wa Mkoa wa Dar es salaam Mheshimiwa Albert Chalamila amekagua Zahanati mpya katika Kata ya Kurasini iliyotekelezwa katika kipindi cha miaka mitatu ya Rais Dkt. Samia Suluhu Hassan.

Akizungumza na Wananchi katika mradi huo Mhe. Chalamila amesema eneo la Kurasini ni moja kati ya maeneo muhimu zaidi katika uchumi wa Nchi hivyo ni muhimu kwa Wananchi kufikiwa na huduma zote muhimu.

"Eneo hili limezungukwa na biashara kutokana na uwepo wa bandari. Wananchi wa eneo hili kama ilivyo kwa maeneo mengine mheshimiwa Rais Samia Suluhu Hassan anawajali sana ndio maana ameelekeza fedha zitekeleze mradi huu. Nawasihi Wananchi wenzangu, tukilee kituo hiki ambacho Mhe. Rais ameelekeza fedha nyingi kukitekeleza"

Kituo cha afya Kurasini kimeanza kutumika rasmi Februari 1, 2024 kimetekelezwa kwa shilingi Milioni 255.58 kikiwa na majengo matatu ikiwemo jengo la wagonjwa wa nje (OPD) huduma ya afya ya uzazi baba mama na mtoto, wodi ya wazazi na matundu matano ya vyoo.