SERIKALI INA NZURI KATIKA KILA JAMBO-MHE. MTINIKA

Posted on: October 15th, 2022

Na; Nassoro Rashid

Mkuu wa wilaya ya Temeke, Mstahiki Meya wa Manispaa pamoja na Mkurugenzi, leo Oktoba 15, 2022  wameshiriki katika mkutano wa hadhara uliofanyika ndani ya eneo la Stendi Mpya ya Kijichi mara baada ya ziara ya Ukaguzi wa Barabara itakayotumika kupita mabasi kufika katika stendi hiyo.

Akizungumza wakati wa mkutano huo, Mhe. Mtinika amesema kazi iliyofanyika Kijichi ni kubwa na ana imani kwa uwezo wa Mwenyezi Mungu Stendi hiyo itafanikiwa.

"Serikali ina nia nzuri katika kila jambo, na kila jambo zuri halikosi changamoto, hivyo tuanze kwanza, maana  kwa umoja wetu tumeamua jambo hili liende, basi mimi nina uhakika jambo hili litaenda". Alisema Mhe. Mtinika

Kadhalika  Mhe. Mtinika amesema umoja na mshikamano walionao Viongozi ndio chachu ya kuleta maendeleo katika Manispaa ya Temeke, huku akitanabaisha juhudi mbali mbali zilizofanywa na Viongozi kukamilisha azma ya kuwepo kwa Stendi hiyo.

"Temeke ni yetu wote, Tanzania ni yetu wote, na zilizowekezwa hapa ni pesa za Umma, na eneo hili ni la Serikali. Pamekuwa na mawazo mbalimbali kuhakikisha eneo hili linafanya kazi, tumetumia kila aina ya njia kuhakikisha eneo hili linafanya kazi". Alisema Mhe. Mtinika

Kwa namna yake  Mkurugenzi wa manispaa ya Temeke Ndugu Elihuruma Mabelya amesema katika mambo wanayopimwa Vongozi ni namna wanavyotatua changamoto na kupanga mipango ya maendeleo inayogusa moja kwa moja Wananchi na kuisaidia Serikali.

"Ninaamini siku ya leo ni mwanzo mzuri wa utekelezaji wa kuhamisha Stendi hii, kama wadau walivyosema hapa mbele yenu wanaunga mkono, hivyo Wananchi wa wilaya ya Temeke twende tukaunge mkono jambo hii". Alisema Mkurugenzi Mabelya.

Sambamba na hilo ameahidi kutatua changamoto kadhaa zilizosemwa na Wadau wa Usafirishaji mara baada ya kupita na kuziona kwa pamoja wakati wa ukaguzi wa njia ya mabasi na kusema tayari wameshaanza kuzifanyia kazi,

"Niwahakikishie Wananchi mimi kama mtendaji mkuu wa Manispaa, Manispaa  yenu ina fedha ya kuzitatua changamoto hizo, na katika suala la maendeleo Viongozi huwa hatulali ". Alisema Mkurugenzi Mabelya.

https://www.instagram.com/p/Cjv6JYdNPLw/?igshid=MDJmNzVkMjY=