TEMEKE IMEPIGA HATUA UDHIBITI WA MAPATO-NAIBU MEYA ZANZIBAR

Posted on: August 15th, 2022

Imeelezwa kuwa manispaa ya Temeke ni moja kati ya manispaa zinazofanya vizuri katika udhibiti wa mapato yanayotokana na malipo ya maegesho kutokana na mfumo unaotumika.

Hayo yameelezwa na Naibu meya wa manispaa ya Mjini Zanzibar mheshimiwa Khadija Haji alipokuwa katika ziara ya kimafunzo ya siku moja wilayani Temeke kujifunza jinsi manispaa ya Temeke inavyokusanya mapato Agosti 12,2022.

Akiwa ameambatana na baadhi ya waheshimiwa madiwani na wataalam kutoka Zanzibar,waliweza kutembelea maeneo ya maegesho ya magari eneo la Quality group barabara ya Nyerere ambapo walipata maelezo jinsi ya kutumia mfumo wa ukusanyaji wa mapato hayo.

"Tumeamua kuja kujifunza Temeke kwa sababu wenzetu wamepiga hatua kubwa sana katika kudhibiti upoteaji holela wa mapato ambapo tunaamini endapo tutafanya hivi basi tutakusanya mapato zaidi".Alisema Mhe.Khadija

Katika ziara hiyo pia Viongozi hao walitembelea ofisi za TARURA halmashauri ya Jiji ambapo waliweza kupata nafasi ya kuona mfumo mzima wa ukusanyaji wa mapato hayo kupitia kwa wahasibu wa halmashauri ya jiji la Dar es salaam.

Ziara hii ni muendelezo wa ziara nyingine za mafunzo zinazofanywa na baadhi ya halmashauri hapa nchini kuja kujifunza namna manispaa ya Temeke inavyofanya kazi katika nyanja tofauti.