TEMEKE YABORESHA MIUNDOMBINU YA HABARI

Posted on: September 29th, 2022

Na Jackson Wilson

TMC Habari.

Wakati Tanganyika inapata uhuru baba wa Taifa hayati Mwalimu Julius Kambarage Nyerere alisema kuna maadui watatu ambao ni ujinga,umaskini na maradhi,

Katika kupambana na ujinga elimu ni silaha tosha ya kuhakikisha jamii inajikomboa kwa kujenga miundombinu rafiki ya elimu.

Halmashauri ya Manisipaa ya Temeke imezidi kuonesha mapambano kwa adui huyo kwa kuboresha miundombinu ya elimu.

Akizungumza na Waandishi wa Habari katika ukumbi wa Iddi Nyundo, Mkurugenzi wa Manispaa hii ndugu Elihuruma Mabelya

amesema Manispaa imezidi kuboresha na kuweka mazingira rafiki ya utoaji wa elimu.

"Kupitia idara ya Elimu Sekondari Manispaa imefanikiwa kutekeleza miradi mbalimbali yenye thamani ya shilingi za Kitanzania Bilioni 4.8 ambazo zimetumika katika ujenzi wa vyumba vya darasa 175,bweni 1,bwalo 1,matundu ya vyoo 90,maabara 12,shule mpya 1 ambayo ni Shule ya Sekondari ya Dovya pamoja na ununuzi wa madawati ( viti na meza) 9584 .

Katika idara ya Elimu Msingi Manispaa imefanikiwa kujenga Madarasa 1598, matundu ya vyoo 1797,ununuzi wa madawati 37, miundombinu yote hii imetumia shillingi za Kitanzania billioni 1.4.

"Jitihada hizi zimeongeza idadi kubwa ya miundombinu na samani katika sekta ya Elimu ya Msingi na kufanikiwa kuongeza ufaulu hadi kufikia asilimia 94.8% mwaka 2021-2022".

Haya ni mafanikio makubwa katika sekta ya elimu hasa ukizingatia idadi kubwa ya wanafunzi, hivyo Manisipaa imeweza na inaendelea kupambana na adui huyu ambaye Baba wa Taifa aliagiza tupambane dhidi yake.