TEMEKE YAHITIMISHA ZOEZI MAALUM LA USAFI MKOA WA DSM

Posted on: January 24th, 2024

Na: Sweetbetter Njige

       TMC Habari

Mkuu wa wilaya ya Temeke mheshimiwa Sixtus Mapunda amehitimisha zoezi la usafi lililofanyika kwa muda wa siku mbili (Januari 23 na 24,2024) katika kata na mitaa mbalimbali ya manispaa ya Temeke.

Akihitimisha zoezi hilo katika kata ya Mtoni alikoshiriki usafi na Viongozi na Wananchi wa eneo hilo mhe. Mapunda amesema zoezi la usafi linapaswa kuwa tabia endelevu.

"Tunahitimisha siku ya pili ya usafi katika mitaa yote ni lazima niwapongeze Mtoni mmefanya vizuri,lakini isiwe nguvu ya soda endeleeni kuhamasisha kila jumamosi tufanye usafi. Tunapaswa kuuchukia uchafu"

Kwa upande mwingine mkurugenzi wa manispaa ya Temeke Elihuruma Mabelya ameongoza zoezi hilo kwa kufanya usafi katika soko la Keko Magurumbasi akiambatana Kamishna msaidizi wa magereza na mkuu wa gereza la Keko Juma Mgumba, watumishi wa gereza hilo, wafanyabiashara na Wananchi wa Keko. Mabelya alisema

"Siku mbili hizi maalum zililenga kuhakikisha maeneo mbalimbali katika halmashauri yetu yakaua safi, katika kipindi hiki ambacho kuna tishio la mlipuko wa magonjwa kama kipundupindu tumeona tufanye usafi hapa ambapo watu wanafanya biashara ya vyakula, kilele hiki kinatoa mwanga wa kufanya usafi katika masoko yetu"

Manispaa ya Temeke kupitia viongozi wake imeshiriki kikamilifu zoezi la usafi kwa kutoa elimu, hamasa na kuwa sehemu katika usafi na utunzaji wa mazingira kama ilivyo agizo la Serikali na mkuu wa mkoa wa Dar es salaam mhe. Albert Chalamila.