TEMEKE YAJIDHATITI KUTEKELEZA MIRADI YA MIKUBWA YA MAENDELEO

Posted on: April 3rd, 2025

Manispaa ya Temeke chini ya Mkurugenzi Ndg. Jomaary Mrisho Satura imedhamiria kuendelea kufanya uboreshaji wa Maisha na Ustawi wa Maendeleo kwa Wananchi kupitia ongezeko la Mapato yanayotokana na Shughuli mbalimbali.

Manispaa ya Temeke imejipanga kuongeza Miundombinu mbalimbali ikiwemo Ujenzi wa Shule mpya za Sekondari na Msingi kwa Mfumo wa ghorofa huku zikiwemo Shule za Mchepuo wa lugha ya Kiingereza (English medium),  kupanua wigo wa Utoaji wa Huduma za Afya kupitia Ujenzi wa Hospitali ya mfano.

Na leo April 03, 2025 Mkurugenzi wa Manispaa ya Temeke Ndg. Jomaary Satura ameongoza kikao cha kwanza cha Maandalizi kuelekea Utekelezaji wa Miradi hiyo huku akisisitiza suala la kuzingatia muda na kila mmoja kufahamu jukumu lake katika kila eneo.

Kikao hicho kimejumuisha Wataalam kutoka Idara ya Mipango, Ugavi, Biashara, Elimu, Ujenzi na Fedha.

Miradi hiyo inatarajiwa kuanza kutekelezwa mapema ifikapo Julai 2025 baada ya Mwaka mpya wa fedha kuanza.

Ni Temeke ya Viwango