Temeke yapata Katibu Tawala mpya.

Posted on: August 13th, 2018

Aliyekuwa Katibu Tawala ndugu Hashim Komba akabidhi madaraka yake kwa Katibu Tawala mpya  Bupe Mwakibete,Makabidhiano hayo yalifanyika katika ukumbi wa  Idd Nyundo ndani ya Manispaa ya Temeke.

''Natoa shukrani zangu za dhati kwako Mh. Mkuu wa Wilaya ya Temeke Felix Lyaniva kwakuwa kwangu ulikuwa mwalimu wa kazi, kunakipindi ilibidi ulibadili ofisi yako kuwa darasa ili mimi nipate kuelewa misingi ya kazi  nadhani Serikali pia imeona elimu uliyonipatia ikawe chachu na manufaa katika manispaa ya Iringa'' alisema ndugu Komba

Alisema anajivunia kuwa temeke kwa miaka michache aliyohudu kwa nafasi ya Katibu Tawala kwakuwa amejifunza mengi ambayo yanamfanya kuaminika katika kazi hatimae kupata uteuzi tena ili kuhamisha ujuzi na weledi alioupata ili uwanufaishe wananchi wa Manispaa ya Iringa.

Katika salamu za Kumuaga aliyekuwa Katibu Tawala na kumkaribisha Bi Bupe Mwakibete(Katibu Tawala mpya) Mstahiki Meya alimkaribisha katika Manispaa ya Temeke  na kumtaka kushirikiana ili kuhakikisha Manispaa inafika mbali zaidi kimaendeleo

''tuna madiwani wazuri wanaojua kusimamia kazi pia kuna watendaji wazuri na wakuu wa idara wazuri ambao kwapamoja tukishikamana hakika Temeke yetu itafika mbali zaidi'' alisisitiza Mstahiki Meya

Nae Mkurugenzi wa Manispaa ndugu Nasib Mmbaga alisema anajivunia Hashimu kwakuwa alikuwa anamaono katika kazI, kuna wakati nashindwa kumtofautisha na wakuu wa idara kutokana na utendaji wake wa kazi na zaidi sana ukaribu baina yake na Manispaa ulikuwa wa hali ya juu alisisitiza Mmbaga.

B.i Bupe akitoa shukrani kwa kukaribishwa kikazi ndani ya Temeke aliomba ushirikiano zaidi kwakuwa kufanya kazi kwa pamoja kunasaidia uharakishwaji wa maendeleo katika jumuiya yoyote na kuahidi  kuitunza na kuitetea ilani ya Chama Cha Mapinduzi na kumuunga mkono Mh. Rais Magufuli.

Hafla hiyo ilihudhuriwa na Madiwani, Wajumbe wa kamati ya Ulinzi na usalama ,Wakuu wa Idara na Vitengo pamoja na Watendaji ambao waliahidi kumpa ushirikiano katika kazi ili kuhakikisha malengo yanafikika kwa urahisi kwa kuweka vipaombele katika kazi.