Temeke Yapokea Ugeni wa Nchi Tano

Posted on: November 17th, 2021

Novemba 15,2021 Meya wa manispaa ya Temeke  Mheshimiwa Abdallah Mtinika kwa kushirikiana na mkurugenzi wa Manispaa ndugu Elihuruma Mabelya  walipokea  ugeni kutoka nchi tano (5)  ambazo ni Swideni,Uganda,Kenya,Zambia na Tanzania.

Lengo la ugeni huo likiwa ni kuzungumzia mpango wa muda mrefu juu ya masuala ya kijinsia, kupitia programu inayozishirikisha Manispaa ,programu  ambayo inafadhiliwa na   shirika lisilo la faida la ‘Swedish International Centre for Local Democracy’ (ICLD).

Akizungumza  wakati wa kikao hicho  kilichofanyika katika ukumbi wa Manispaa( Idd Nyundo) Mhe. Mtinika alisema“Manispaa ya Temeke imeshiriki katika maswala haya ya kijinsia ambayo yanahusisha nchi mbalimbali,kama halmashauri  hatupo nyuma kwenye kuhakikisha tunakwenda sambamba na malengo ya kidunia ya mwaka 2020-2030 ili tuwe tuwe sawasawa na wenzetu, waliokuja kujifunza Temeke wamepongeza hatua tulizopiga katika eneo hilo na tunaamini tutaendelea kufanya vizuri.

Tutambue kwamba dunia ni kijiji na inayo malengo ,kuna malengo 17 yanayotakiwa yafuatwe ili tuwe na dunia endelevu, kati ya hayo ni hili la usawa wa kijinsia (lengo namba 5) nasi kama sehemu ya dunia tuendelee kutimiza na kufuata haki za watoto wa kike na kina mama ili mambo ya usawa wa kijinsia yawe sawa”.

Katika kikao hicho ambacho kilichojumuisha wageni hao, wakuu wa idara mbalimbali pamoja na vijana wa kike ambao wamewezeshwa kiuchumi kupitia mikopo inayotolewa na Manispaa pamoja na ruzuku zinazotolewa na Serikali kupitia mpango wa Kunusuru Kaya Maskini (TASAF). ,katibu mkuu wa ICLD  ndugu Johan Lilja alisema ‘’Kitu  kimoja ambacho nimegundua ni kwamba unapompa mwanamke jukumu, vitendo vinatokea.nimeona  leo, timu yangu (Anne  na Annamaria),sijahusika kufanya chochote, lakini mmejionea wenyewe.tuwaruhusu wale wasichana ambao ni imara kupata nafasi .

kitu cha pili ninachotaka kusema ni kuwatia  moyo  ninyi  nyote ,unajua linapokuja suala la maendeleo , wanaume wakati mwingine wanaonekana kuogopa, wanataka kujikita kwenye vile vitu walivyonavyo.lakini nawaambia kwa uzoefu nilionao wa zaidi ya miaka 30, najua, nina uthibitisho,nina ushahidi kwamba  ukiruhusu hicho kidogo , huku ukiwahusisha wanawake,kinakuwa kikubwa.na kuwa na 50% ya kitu ambacho ni kikubwa ni mantiki zaidi kuliko kuwa na 100% ya kitu kidogo’’.Hivyo kwa kuwashirikisha wanawake, tunafanya kwa jamii ,kwa Manispaa, kwa Nchi na kwa Dunia.unataka kuwa  chanzo cha mabadiliko, unayo fursa, kama hukufanya kabla, anza leo’’.

ICLD ni shirika lisilo la faida linalofadhiliwa na Shirika la Kimataifa la Maendeleo la Swideni (SIDA).Dhima ya shirika hilo ni kusaidia jamii katika masuala ya  demokrasia,mabadiliko na ugatuzi wa madaraka katika ngazi ya mamlaka za serikali za mitaa, kwa kuwawezesha watendaji wa mamlaka hizo kufanya tafiti katika maeneo ya usawa wa kijinsia ,ushirikishwaji, uwazi na uwajibikaji kwa lengo la kuleta maendeleo katika mamlaka hizo.