TEMEKE YATOA BILIONI 1.8 KUWAKOPESHA VIJANA, WANAWAKE NA WENYE ULEMAVU

Posted on: June 29th, 2022

Mstahiki meya wa manispaa ya Temeke mheshimiwa Abdallah Mtinika amesema kuwa Manispaa hiyo hapo awali ilikuwa ikitoa mikopo lakini Wananchi wengi hawakuwa wanapata taarifa hali iliyochangia malalamiko kwa baadhi yao.

Mstahiki Meya Mtinika ameyasema hayo alipokuwa akizungumza wakati wa hafla ya kukabidhi hundi yenye thamani ya shilingi bilioni 1.8 kwa ajili ya mikopo kwa vikundi 167 vya Wanawake, Vijana na watu wenye  Ulemavu,iliyofanyika katika viwanja vya shule ya sekondari Kibasila Juni 28,2022.

’’Niseme tu kwa kifupi mheshimiwa mkuu wa Mkoa,linalotendeka hapa leo ni wazo lako.Temeke  tumekuwa tukitoa mikopo ya asilimia 10 lakini tumekuwa tukitoa kimyakimya, nikushukuru, wewe ni  mkuu wa Mkoa lakini pia umekuwa ni Mwalimu,niwaombe ndugu zangu hii mikopo tukiipata tusiache kulipa’’.Aliongeza Mhe.Mtinika.

Akisoma taarifa ya utoaji mikopo kwa mkuu wa Mkoa,mkurugenzi wa manispaa ya Temeke ndugu  Elihuruma Mabelya alisema kuwa Manispaa imekuwa ikitekeleza sheria ya fedha ya serikali za Mitaa ya

mwaka 2019 inayoitaka kila Halmashauri kutenga asilimia 10 ya mapato yake ya 

ndani kukopesha Vijana,Wanawake na watu wenye  Ulemavu ili kuboresha maisha yao.

Kutolewa kwa mikopo hiyo hadharani ni ushauri uliotolewa na mkuu wa mkoa wa Dar es salaam  Mhe. Amos Makalla ambapo alipendekeza mikopo itolewe kwa uwazi ili kuondoa dhana

iliyojengeka miongoni mwa jamii kuwa mikopo hiyo hutolewa kwa baadhi ya watu sambamba na kuondoa mianya ya rushwa.