Temeke yavuna Sato zaidi ya kilo 117

Posted on: May 1st, 2020

MANISPAA YA TEMEKE YAVUNA SAMAKI AINA YA SATO ZAIDI YA KILO 117

Katika kuhakikisha ule msemo unaosemwa "Mfundishe mtu kuvua samaki, usimpe samaki" msemo huo umekua ukitekelezwa kwa vitendo katika Manispaa ya Temeke chini ya Mkurugenzi Ndg Lusubilo Mwakabibi hususani katika nyanja ya ufugaji samaki mjini.

Manispaa ya Temeke jana imevuna samaki wapatao kilo zaidi ya 117 aina ya sato katika bwawa ambalo limechimbwa ndani ya viunga vinavyoizunguka Manispaa hiyo.

Ufugaji huo wa samaki umelenga hasa kutoa elimu ya ufugaji samaki mjini (shamba darasa) kwa Jamii ya Temeke, Watumishi na Watanzania kwa ujumla wao, ili kuwawezesha  kuinua kipato na hata katika matumizi ya nyumbani.

Akifanunua ufugaji wa Samaki hao aina ya Sato, Mkuu wa Idara ya Mifungo na Uvuvi Manispaa ya Temeke Bi Delfina Wambura alisema samaki hao walipandwa mwaka jana tarehe 25/10/2019 hadi siku ya jana tarehe 30/04/2020 tayari wameshafikisha miezi sita, kitaalam samaki hukaa kwa muda wa miezi sita ndipo unatakiwa kuwavuna.

Aidha samaki waliopandwa katika bwawa hilo walikuwa ni madume na sababu ya kuweka madume ni rahisi kuwamudu kwa upande wa chakula, pia wanakua haraka zaidi kuliko majike.

Mwisho: Ufugaji wa samaki umekuwa ni moja ya njia ambayo inaweza kukuza kipato cha mwananchi, Manispaa ya Temeke imekuwa mstari wa mbele kufikiria namna ya kuleta ustawi kwa wananchi, kwa kuzingatia hilo, ewe kijana, ewe unayetarajia kustaafu, na wengine wa sehemu yoyote karibu Manispaa ya Temeke ujifunze ufugaji wa samaki wa kisasa ambo hutumia eneo dogo mazao lukuki.

Katika picha ni mwonekano wa vijana wakiwa wameshika nyavu yenye samaki aina ya sato waliovuliwa katika bwawa la shamba Darasa Manispaa ya Temeke.

#Temeke ya Viwango, Tumedhamiria kuleta ustawi kwa wananchi.