Temeke yazindua kamati ya Maafa

Posted on: July 24th, 2018

Mapema leo Halmashauri ya Manispaa ya Temeke imezindua kamati maalumu ya maafa kwa ngazi ya Halmashauri.

Uzinduzi huo ulihudhuriwa na timu ya manejimenti ya Temeke,wageni kutoka ofisi ya Mkuu wa Mkoa wa Dar es Salaam pamoja na wadau mbalimbali wa majanga na maafa yanayotokea Temeke.

Kamati hiyo iliyoundwa na sekta binafsi,watu mbalimbali,taasisi na asasi za kiserikali na taasisi za dini,ambapo mwenyekiti wake ni Mkurugenzi wa Halmashauri ya Manispaa ya temeke Ndg:Nassib Mmbagga.

Uundwaji wa kamati hiyo mpya imetokana na mabadiliko ya sheria mpya ya maafa namba 7 ya mwaka 2015 ambayo inataka ushirikishwaji wa kila taasisi muhimu katika jamii.

''Maafa yanapotokea yanahusisha kila mtu kwa nafasi yake katika jamii,hivyo sheria hii mpya inatoa uhuru wa ushirikishwaji wa taasisi muhimu.''

Hayo yalisemwa leo na mratibu wa huduma za dharula Mkoa wa Dar es Salaam Dk:Christopher Mnzava alipokua akitoa somo la manejimenti ya dharura na maafa katika ngazi zote.

Aliendelea Dk:Mnzava aliwapitisha timu ya manejimenti ya Manispaa ya Temeke katika maeneo muhimu ya sheria na 9 ya mwaka 1990 ambayo ilitumika zamani kabla ya madiliko kuwa iliku na changamoto zake ambazo kwa kiasi kikubwa zimetatuliwa katika sheria mpya ya namba 7 ya mwaka 2015.

Aliongeza kuwa sheria hii mpya ina mzingo wa manejimenti ya maafa katika utendaji kazi wake ambao ni kuzuia,kujiandaa,kukabiliana na kurudishia.

kabla ya uzinduzi huo Katibu Tawala Mkoa msaidizi Bib:Yokobety Nathaniel Malisa (ambae alizindua) alimpongeza Mkurugenzi wa Temeke pamoja na mratibu wake wa maafa Bib: Sweetbertha K. Paschal  kwa juhudi zao za haraka katika utekelezaji wa  kuunda kamati hii ya maafa kwa ngazi ya Halmashauri.

Pia aliwakumbusha kamati kufanya kazi yao ya kuilinda jamii kwa kuzuia hatua zozote zenye muonekano wa kuleta maafa katika jamii, mfano ujenzi holela.

''msikubali maeneo yajengwe hovyo au kiholela,wale wanaotoa ushauri katika ujenzi washauri  ujenzi unaostahili''. alisema Bib:Malisa.

Halmashauri ya Temeke imevunja rekodi ya kuwa Halmsahuri ya kwanza kuzindua kamati ya maafa,hii ni kutokana na juhudi za uongozi bora na uwajibikaji wenye kulenga mahitaji muhimu ya wananchi.