TUMERIDHISHWA NA MIRADI ILIYOTEKELEZWA -MHE.MKENGA

Posted on: July 28th, 2021

Diwani wa kata ya Miburani iliyopo wilayani Temeke ambaye pia alikuwa kiongozi wa msafara katika ziara ya kukagua miradi ya kimaendeleo inayotekelezwa katika halmashauri hiyo Mhe.Juma Mkenga amesema kuwa wao kama wawakilishi wa madiwani wameridhishwa na hatua za miradi hiyo ilivyotekelezwa.

Ameyasema hayo leo alipokuwa akiongea na waandishi wa habari mara baada ya kukagua baadhi ya miradi katika wilaya hiyo ambapo aliambatana na wakuu wa idara,wabunge na madiwani ambao kwa pamoja huunda kamati ya fedha.

"Manispaa ya Temeke imefanya kazi nzuri,kitu kikubwa tulikuwa tunaangalia thamani ya fedha na hiki tunachokiona,kwa kweli tumeridhika".Mhe Mkenga.

Baadhi ya miradi iliyokaguliwa na kamati hiyo ni pamoja na ujenzi wa barabara na daraja la Nzasa-Kilungule,ujenzi wa vyumba vitano vya madarasa katika shule ya sekondari Charambe pamoja na ujenzi wa vyumba 20 vya madarasa na matundu 28 ya vyoo katika shule ya msingi ya Mbande Kisewe zilizopo katika Manispaa ya Temeke.