Uzinduzi wa Toyota Landcruiser .

Posted on: April 3rd, 2020

MANISPAA YA TEMEKE YAZINDUA GARI JIPYA TOYOTA LANDCRUISER

Halmashuri ya Manispaa ya Temeke leo imezindua gari jipya aina ya Toyota Landcruiser SM 13133, uzinduzi ambao umefanyika katika ofisi za Halmashuri ya Manispaa ya Temeke Makao makuu Jijini Dar es Salaam.

Uzinduzi wa gari hilo ulifanywa na Mstahiki Meya wa Manispaa ya Temeke Mhe Abdallah Chaurembo pamoja na Mkurugenzi wa Manispaa Ndg Lusubilo Mwakabibi mbele ya watumishi wa Halmashauri wakiwemo wakuu wa Idara na vitengo.

Akiongea wakati wa uzinduzi huo Mhe Abdallah Chaurembo amesema gari hilo aina ya Land cruiser limenunuliwa kwa fedha za ndani kupitia bajeti zinazopangwa na Manispaa, "ndugu zangu watumishi lazima mjue ukiweka bajeti ya kununua kitu fulani na ikatokea ujatekeleza hiyo tayari ni hoja ya kiukaguzi". nimpongeze mkurugenzi wa Manispaa kwa kuhakikisha anatekeleza kile ambacho aliweka katika bajeti.

Pia gali hilo likatumike katika matumizi sahihi kwa maana ya usimamiaji na ufuatiliaji wa miradi ya maendeleo inayotekelezwa katika Halmashauri yetu, vilevile madereva hakikisheni mnayatunza magari haya ili kupunguza gharama za mara kwa mara za matengenezo yasiyo ya lazima.

Aidha Mkurugenzi wa Manispaa Ndg  Lusubilo Mwakabibi amesema yeye akiwa Mtendaji mkuu katika Manispaa ataendelea kuhakikisha ananunua vitendea kazi wezeshi ili kurahisisha utendaji kazi katika kila Idara na vitengo il kuwezesha ufanyaji kazi kwa kasi,viwango na weledi. Gari lililonunuliwa litakabidhiwa katika Idara ya Mipango lakini mtumishi yeyote akiwa anatekeleza majukumu ya Serikali ruksa kutumia.

Mkurugenzi wa manispaa ya Temeke  Ndg Lusubilo Mwakabibi mwenye suti akitoa ufafanuzi wakati wa uzinduzi huo .

"Nitaendelea kufanya hivyo katika kila idara na vitengo kwa kadri mpango wa bajeti utakavyowekwa, niwaambie tu hata ndugu zangu walinzi wa Halmashauri tayari gari yao iko katika mchakato wa kununua ili nao wafanye kazi zao vizuri" alisema Mwakabibi.

Aidha Mkuu wa Idara ya  mipango  wa Manispaa Ndg Deogratius Lukomanya ameshukuru kwa kukabidhiwa gari hilo kwa kuwa idara yake haikuwa  na gari hivyo utendaji kazi ulikuwa ni mgumu sana lakini kwa sasa utendaji wa kazi utaenda vizuri namshukuru sana Mkurugenzi wa Manispaa.

Katika picha ni mwonekano wa gari jipya SM 13133 aina ya Toyota Landcruiser.