WATUMISHI WA UMMA WATAKIWA KUSHIRIKI USAFI WA MWISHO WA MWEZI

Posted on: November 23rd, 2022

Novemba 23,2022 mkuu wa wilaya ya Ilala Mheshimiwa Ng`wilabuzu Ndatwa Ludigija amemuwakilisha Mkuu wa wilaya ya Temeke katika kikao kazi kilichowahusisha Wakuu wa Idara na Vitengo, Watendaji wa Kata na Mitaa,pamoja na Kamati ya Ulinzi na Usalama ambapo licha ya kuzungumzia masuala mengine ya kiutendaji aliweka mkazo kwenye suala zima la ushiriki wa Watumishi wa Umma na Wananchi katik kampeni ya usafi wa mwisho wa mwezi.

Akizungumza katika kikao hicho mhe. Ludigija alitoa agizo kwa Watumishi wa Umma kuhakikisha wanashiriki zoezi la usafi badala ya kuwaachia Viongozi na Wananchi peke yao,alisema.

"Kama Kamati yangu ya Ulinzi na Usalama itashiriki, sitegemei kwamba atatokea Mtumishi ambaye hatashiriki usafi wa mwezi huu, kama hutokuwepo anza kutoa taarifa na zikubalike, kwamba kwanini wewe hutaki kuwa sehemu ya kulifanya Jiji letu la Dar es Salaam kuwa safi, pia nitumie nafasi hii kuwataka Wananchi wa .... Dar es Salaam kushiriki kwenye usafi wa mwisho wa mwezi, yaani Mtu aone fahari kuwa sehemu ya kuifanya ...Dar es Salaam kuwa safi".

Aidha Mhe. Ludigija alitoa agizo kwa Wafanyabishara wanaoendelea kufanya shughuli zao katika maeneo ya hifadhi za barabara na yale yote yaliyokatazwa kwenda katika masoko yaliyopangwa na kuwaagiza viongozi wa mitaa kusimamia utekelezaji wa agizo hilo ili kuendelea kuiweka Dar es Salaam katika hali ya usafi.

"Serikali imejenga masoko kuwezesha Wananchi kupata huduma iliyo bora, hivyo tunataka wafanyabiashara waliopo kwenye mitaa..... kuondoka kwenye maeneo waliyokatazwa kufanya biashara na waende kwenye maeneo rasmi"

Kadhalika Mhe. Ludigija amewataka wafanyabiashara kutokufunga biashara wakati wa zoezi la usafi ,badala yake wajitokeze kwenye maeneo yao ya Biashara,na kwenye barabara zinazokatiza kwenye maeneo hayo wafanye usafi,wakishamaliza waendelee kufanya Biashara zao.

Kampeni ya "SAFISHA PENDEZESHA DAR ES SALAAM" iliyoasisiwa na mkuu wa mkoa huu Mhe. Amos Makalla inaendelea kushika hatamu kwa kufanyika katika maeneo mbalimbali,ambapo inahusisha Viongozi na Wananchi,lengo likiwa ni kuweka mazingira katika hali safi na ya kupendeza.