WATUMISHI WA VITUO VYA KUKUSANYAJI MAPATO WASHIRIKI HAFLA YA PAMOJA

Posted on: June 21st, 2025

Watumishi wa Halmashauri ya Manispaa ya Temeke kutoka katika Vituo 6 vya kutolea huduma za ukusanyaji Mapato (Cluster) leo June 21, 2025 wameshiriki hafla ya pamoja kwa lengo la kuwakutanisha ili kubadilishana mawazo na uzoefu katika utekelezaji wa majukumu yao ya kila siku kazini lakini pia kufurahia kwa mafanikio makubwa yaliyofikiwa katika Mwaka wa fedha 2024/2025 kufikia lengo na hatimaye kuifanya halmashauri kuweza kutekeleza shughuli zilizopo kwenye Bajeti inayoishia Juni 30, 2025

Mkurugenzi wa Halmashauri ya Manispaa ya Temeke Ndg Jomaary Satura amewashukuru kwa ushirikiano imara kati ya Wakuu wa klasta hizo, Mameneja Vyanzo vya Mapato na Wafanyabiashara kwa kuwezesha kufikia malengo kwa wakati huku akisisitiza nidhamu, ushirikiano, kujituma na upendo miongoni mwao.

Watumishi hao wamemkabidhi Mkurugenzi zawadi ikiwa ni ishara ya kuthamini mchango wake mkubwa katika uanzishaji na uendeshaji wa Vituo hivyo vya kutolea huduma (Clusters) ambavyo vipo katika kata ya Tandika, kijichi, Miburani, charambe, Chamazi na Buza.

Ikumbukwe Kuwa Manispaa ya Temeke ilipanga kukusanya Bilioni 53 kutoka katika Vyanzo vyake vya ndani (mapato ya ndani) na hadi kufikia Aprili 26, 2025 imekusanya Bilioni 53 sawa na Asilimia 100% ya Utekelezaji wa Lengo.

Ni Temeke ya Viwango,