Waziri Jaffo Agiza Kuundwa kwa Bodi za Uendeshaji Masoko.

Posted on: December 1st, 2019

Waziri wa TAMISEMI Mhe. Selemani Jaffo akizungumza wakati wa ziara ya ukaguzi wa miradi ya DMDP wilaya ya TEMEKE.

Waziri wa TAMISEMI Mhe. Selemani Jaffo ameagiza kuundwa kwa bodi ya kusimamia uendeshwaji wa masoko ya kisasa yaliyojengwa kupitia  Mradi wa Uboreshaji Miundombinu  Jiji la Dar Es Salaam (DMDP).

Mhe Jaffo ametoa agizo hilo mwishoni mwa wiki baada ya kukagua ujenzi wa soko la Mbagala kuu na kijichi, wakati wa ziara yake ya kukagua miradi ya  ujenzi inayotekelezwa na serikali kupitia DMDP  ambapo amesema kwamba masoko yamekamilika, yanatakiwa yaanze kutumika, lakini hayawezi kuanza kutumika bila kuwekewa utaratibu wa kuyaendesha.

Akizungumza baada ya kuridhishwa na ujenzi ulipofikia Mhe. Jaffo amesema''Masoko yamekamilika sasa,pangeni utaratibu,yyaanze kufanya kazi.Nafahamu nilitos maelekezo masoko haya yaendeshwe kwa utaratibu maalum,mwongozo upo,sio kila mtu anaamua tu kwa staili yake ,fuateni utaratibu.Lazima masoko haya yawe na bodi,manispaa ya temeke mtakuwa mnayalea kwa muda wa mezi 6 ,wakati huo mnaandaa bodi itakayokuwa ikiyasimamia''.

Mhe Jaffo ameendelea kusema kwamba kwa kutokuwa na utaratibu usimamizi wa usafi na ukarabati hautaweza kufanyika,hivyo baada ya muda mfupi masoko hayo hayatakuwa katika hali nzuri .Ili yaendelee kuwa katika hali nzuri kama yanavyoonekana sasa ni vema ukawekwa utaratibu wa uendeshaji.

kuhusu utaratibu utakaotumika kwa wafanyabiashara kupata vizimba katika masoko hayo Mhe. Jaffo amesema kwamba wafanyabiashara waliokuwa waliokuwepo katika maeneo hayo kabla ya kupisha ujenzi ,ndio wapewe kipaumbele kwanza , baada ya hao, wengine wawekewe  utaratibu.

Jumla ya masoko 3  ya kisasa yamejengwa katika manispaa ya Temeke.Masoko hayo ni Soko la Kijichi lililopo katika kata ya Kijichi,Mbagala kuu lililopo katika kata ya Mbagala kuu na Makangarawe lililopo katika kata ya Mangarawe. Wakati  wakati masoko hayo yakiwa tayari kwa ajili ya kuanza kutumika.Mradi mwingine mpya wa ujenzi wa soko  jipya la kisasa la Mtoni unatarajiwa kuanza kutekelezwa katika kata ya Mtoni baada ya taratibu kukamilika.