WAZIRI MKUU AZINDUA BWENI NA BWALO KIBASILA

Posted on: October 5th, 2024

Waziri Mkuu wa Jamhuri ya Muungano wa Tanzania Mheshimiwa Kassim Majaliwa amezindua Bweni la Wasichana na Bwalo la chakula katika Shule ya Sekondari Kibasila. Bweni hilo linatarajiwa kupokea jumla ya wanafunzi 230 wa kidato cha tano na sita.

"Nimefurahi sana kuja Kibasila. Panapendeza, hongera sana. Wanafunzi, walimu na watumishi wasio walimu, ziara hii inanipitisha kwenye maeneo ambayo fedha ya Serikali imeletwa kwa ajili ya kujenga majengo maalum kwa ajili ya matumizi ya Wananchi. Kupitia serikali ya awamu ya sita Sekta ya elimu imeendelea kuboreshwa, kila eneo limeendelea kujenjwa ila kazi ya kujifunza na kufundisha iendelee vizuri.

Tumepata matatizo mengi kwa vijana kutokana na kukaa mbali utulivu wa kujisomea unapotea. Rais Dokta Samia ameelekeza halmashauri zote waone mahitaji ni nini ili mahitaji yatekelezwe.

Tumejenga madarasa sasa ni zamu ya mabweni. Wasichana wana upendo sana, wakitoka shule wanaenda kufanya kazi kusaidia nyumbani hamna muda wa kusoma ili kuzuia haya, tunajenga mabweni kama haya. Bweni ni zuri la kisasa safi kabisa tayari kwa matumizi.