WAZIRI SHAMATA ATEMBELEA BANDA LA TEMEKE MAONESHO YA NANENANE

Posted on: August 3rd, 2023

Na: Sweetbetter Njige

Leo Agosti 03,2023 Waziri wa kilimo,umwagiliaji,maliasili na mifugo Zanzibar mheshimiwa Shamata Shaame Khamis  ameambatana na mwenyeji wake mkuu wa mkoa wa Morogoro Mhe. Adam Malima kutembelea banda la manispaa ya Temeke wakati wa ukaguzi wa mabanda ya washiriki wa maonesho ya Wakulima na Wafugaji (Nanenane) katika viwanja vya Mwl. J.K Nyerere na kufurahishwa na mambo mbalimbali yaliyopo bandani hapo.

Akizungumza na waandishi wa habari Waziri Shamata amesema amefurahishwa na ushiriki wa manispaa ya Temeke na kutumia nafasi hiyo kuwasihi Wananchi kushiriki kikamilifu kujenga uchumi wa Taifa kupitia uzalishaji wa mazao ya chakula na ufugaji. Alisema

"Nimefurahi kupata nafasi kufika Temeke,  tunathamini sana jitihada mnazofanya na tunawasihi muongeze ufanisi katika kujenga uchumi wa Dar as Salaam na Nchi nzima kwa ujumla, kwa kuongeza uzalishaji wenye tija"

Aidha Waziri Shamata ameeleza nia ya dhati ya Serikali zote mbili (Serikali ya Jamhuri ya Muungano wa Tanzania na Serikali ya Mapinduzi ya Zanzibar) kuwekeza nguvu kubwa katika kilimo na ufugaji. Alieleza

"Kuzalisha kwa wingi kunasaidia kulinda amani ya Nchi, tujifunze kwa mengi yanayojitokeza katika Dunia kutokana na matishio ya njaa, kuna Nchi zimekosa amani kwasababu ya njaa, hivyo kazi yote inayofanyika hapa inalenga kutuliza na kuchochea amani ya Nchi, ni wajibu wetu kuongeza ufanisi katika uzalishaji ambao pia utasaidia kupunguza mfumuko wa bei"

Kwa upande wake mkuu wa mkoa wa Morogoro Mhe. Malima amemshukuru Mhe. Shamata kwa ziara yake na kueleza nia ya mkoa wa Morogoro na mikoa jirani kujifunza kutoka Zanzibar.

"Tumefarijika sana kukukaribisha Morogoro, uwepo wako umethibitisha undugu wetu,historia yetu na umoja wetu, kule Zanzibar kuna kilimo cha kimkakati cha karafuu, tunajipanga kuja kujifunza kuzalisha karafuu kwakua kuna misingi iliyoboreshwa kimasoko, tunataka kuanza kuzalisha karafuu kwa kufuata vigezo vinavyohitajika katika soko la Kimataifa na Zanzibar mnajulikana kwa hilo"

Manispaa ya Temeke inashiriki katika maonesho hayo ya Wakulima na Wafugaji na inawakaribisha Wananchi wote kufika bandani hapo ili kujifunza juu y