ZAIDI YA WANANCHI 82,340 WAHUDUMIWA ZAKHIEM KUPITIA " TEMEKE ONE STOP JAWABU"

Posted on: September 21st, 2020

Mkurugenzi wa Manispaa ya Temeke ndugu Lusubilo Mwakabibi ameyasema hayo wakati akiongea na waaandishi wa habari katika ukumbi wa Iddy nyundo Makao makuu ya Manispaa Jijini Dar es Salaam. 

Akiongea kwa niaba ya Mkuu wa Wilaya ya Temeke Mhe Godwin Gondwe  wakati akitoa tathimini ya Jukwaa la "ONE STOP JAWABU" kwa siku saba (7) katika viwanja vya Mbagala Zakhiem amesema tayari wananchi zaidi ya 82,340 wenye kero/ changamoto waliweza kuhudumiwa katika viwanja vya Zakhiem .

Aidha amesema Mkuu wa Wilaya Mhe Godwin Gondwe kwa kushiriana na ofisi yake wameandaa jukwaa la  kutatua kero za wananchi, jukwaa hilo litadumu kwa muda wa siku 14, ambapo katika siku 7 za kwanza taasisi za serikali , taasisi binafsi, makampuni na idara zilizoko katika Manispaa ya Temeke ziliweka kambi katika viwanja  vya Mbagala Zakheem,kuanzia tarehe14 hadi 20 Septemba.

Jukwaa hilo linalojulikana kama 'One Stop Jawabu- Temeke 2020', ni utekelezaji wa agizo la Rais wa Jamhuri ya Muungano wa Tanzania Mheshimiwa  Dkt. John Pombe Magufuli  ambaye amesema  " wateule wangu na watumishi wote wa umma , tatueni kero za Wananchi" 

Katika kutekeleza agizo hilo,  taasisi 32 zilishiriki katika viwanja vya Zakhiem katika  kusikiliza,kuhudumia ,kutatua na kutoa majawabu ya  changamoto/kero za wananchi  papo  hapo.

Aidha kupitia jukwaa hilo,zaidi  ya wananchi 82,340 walihudumiwa na kupatiwa majawabu ya kero/changamoto.  

Jukwaa hilo litaendelea kwa siku nyingine 7,katika viwanja vya Mwembeyanga  kuanzia tarehe Septemba 22,2020  hadi  septemba 28,2020 .

'One Stop  Jawabu'  ni jukwaa ambalo limelenga kuzikutanisha taasisi zote za serikali na mashirika ya umma pamoja  kwa ajili ya kutoa majibu ya  changamoto na kero zinazowakabili wananchi.