Mh. Lyaniva aipongeza TARURA, atembelea miradi inayoendelea ndani ya Wilaya ya Temeke.

Posted on: June 19th, 2018

Mkuu wa Wilaya ya Temeke  Mh. Felix Lyaniva,ametembelea miradi mbalimbali ya ujenzi wa barabara na madaraja  unaoendelea katika Manispaa ya Temeke unaosimamiwa na Wakala wa Barabara za Vijijini na Mijini Tanzania(Tanzania Rural and Urban Roads Agency -TARURA)

Katika ziara hiyo ameambatana na Eng Nico ambaye ndie msimamizi wa miradi hiyo katika Wilaya ya Temeke.

Mkuu wa Wilaya amefurahishwa na kasi inayoendelea katika ujenzi huo wa miundombinu ambayo itakuwa chachu ya maendeleo kwa wakazi wengi wa Manispaa na hata wa nje ya Wilaya ya Temeke.

Amesema anafurahishwa  na ujenzi  unavyoendelea na anaimani na wakandarasi waliopo katika maeneo ya kazi na kuahidi kuwafuatilia kwa ukaribu ili kuhakikisha wanamaliza kazi hizo kwa wakati

''sina mashaka kabisa na wakandarasi waliopo katika maeneo ya kazi, naimani watafanya kazi kwa wakati na kwa viwango vya hali ya juu ili kurudisha imani kwa wananchi kutokana na ubovu wa miundombinu uliotokea kipindi kilichopita''

Mh. Lyaniva alisema anaimani kubwa na wakandarasi waliopewa dhamana ya kuhakikisha miradi hiyo inakamilika kwa wakati, na katika viwango vya hali ya juu kwakuwa walifanya ushindani na kuibuka washindi.

kwa upande wa msimamizi  mkuu wa TARURA Wilaya ya Temeke Eng  Nico alisema, ujenzi unaendelea na wakandarasi wote wapo site na kazi inafanyika kwa ustadi wa hali ya juu na kwa kuwa fedha zimetengwa ili kuhakikisha barabara na madaraja yanakidhi viwango vilivyothibitishwa kitaalam na kuepusha adhari zilizojitokeza kipindi cha masika.

''sitawaangusha nitahakikisha ujenzi huu unafanyika katika ubora wa kipekee na kukidhi viwango vinavyokubalika kisheria''Alisema Eng.

Aidha alibainisha hali ya barabara nyingi za Manispaa ya Temeke  ni mbovu na ziliharibiwa zaidi na mvua kubwa zilizo juu wastani zilizonyesha katika msimu wa masika mwaka huu .

Miundombinu inayoshughulikiwa kwa sasa nipamoja na barabara ya Kijichi Nasaco,  Mbosi,Chihota, Kiburugwa na Daraja la Mashine ya maji

TARURA ni wakala wa barabara za Vijijini na Mijini Tanzania, ni wakala wa wa serikali ambao wanatekeleza majukumu ya kuendeleza na kusimamia barabara za vijijini na mijini ambazo awali zilikuwa zikisimamiwa na kutekelezwa na mamlaka za Serikali za Mitaa.