DC MAPUNDA AFURAHISHWA NA UTARATIBU WA UTUNZAJI WA MAZINGIRA INDIAN SCHOOLS

Posted on: June 5th, 2024

Mkuu wa wilaya ya Temeke mheshimiwa Sixtus Mapunda ameshiriki maadhimisho ya siku ya mazingira Duniani yanayofanyika kila Juni 5, kwa kuhutubia juu ya umuhimu wa kutunza mazingira na kushiriki upandaji miti pamoja na balozi wa India Nchini na viongozi,wafanyakazi na wanafunzi wa Indian Schools Dar es salaam.

Akizungumza katika hafla iliyofanyika katika shule ya Indian School, Dar es salaam, mhe. Mapunda ameupongeza uongozi wa shule kwa kuwa na utaratibu mzuri wa utunzaji mazingira.

"Nimeambiwa kwamba katika kila siku ya kuzaliwa ya mwanafunzi anapanda mti wake, nimefurahi kuona mkiwafundisha utaratibu ambao utajenga utamaudini wa kutunza na kujua umuhimu wa mazingira wakiwa wadogo"

Aidha balozi wa India Nchini Anil Sooklal amesema anajivunia ushirikiano baina ya shule hiyo na uongozi wa Temeke hasa katika utunzaji wa mazingira.

Temeke inaungana na wilaya nyingine Nchini na Dunia nzima kuadhimisha siku ya mazingira duniani kwa kuenzi kauli mbiu "urejeshwaji wa ubora wa Ardhi, ustahimilivu wa hali ya jangwa na ukame" kwa kupanda miti na kutunza vyanzo vya maji.