WATAALM WAWASILISHA UTEKELEZAJI WA ILANI YA CHAMA KWA KIPINDI CHA MIAKA MITANO

Posted on: June 25th, 2025

Mkuu wa Wilaya ya Temeke Mhe. Sixtus Mapunda leo Juni 25, 2025 ameongoza Kikao cha kupokea Taarifa ya Utekelezaji wa Ilani ya Chama cha Mapinduzi (CCM) kutoka kwa Wataalam wa Manispaa na Taasisi za Serikali kwa kipindi cha Miaka Mitano kuanzia 2020 hadi 2025 kilichofanyika katika Ukumbi wa Idd Nyundo manispaa ya Temeke.

Kupitia Taarifa hiyo iliyotolewa mbele ya Kamati ya Siasa Wilaya ya Temeke inayoongozwa na Mwenyekiti wake CDE. Zena Mgaya imeeleza Mafanikio katika ukusanyaji wa mapato ya ndani ya halmashauri, uwezeshaji wa Wananchi kiuchumi kupitia mikopo ya 10%, biashara na uwekezaji, utekelezaji katika sekta ya elimu (msingi na Sekondari), barabara (TARURA) na kadhalika.

Katika kikao hicho DC Mapunda amesisitiza elimu kutolewa kwa wanufaika wa mikopo ya 10% (Wanawake, Vijana na Watu wenye ulemavu), suala la utekelezaji wa barabara hasa zinazohitaji merekebisho ya haraka kutokana na kuharibiwa na mvua ziangaliwe kwa haraka na DAWASA kuhakikisha maji yanapatikana katika maeneo yote yenye changamoto.

Aidha wajumbe wa Kamati hiyo wamewapongeza Watumishi wa manispaa kwa kazi nzuri wanayofanya hasa katika Utekelezaji wa Miradi ya maendeleo hususan Ujenzi wa shule za ghorofa, hospitali na kadhalika.