TUNAMPONGEZA RAIS SAMIA SULUHU HASSAN KWA MAONO YAKE

Posted on: January 20th, 2022

Kamati ya siasa mkoa wa Dar es Salaam siku ya Januari 15,2022 ilifanya ziara ya kukagua utekelezaji wa ilani ya Chama Cha Mapinduzi CCM wilaya ya Temeke kwa kukagua miradi mbalimbali iliyotekelezwa kupitia fedha za mpango wa maendeleo kwa ustawi wa Taifa na mapambano dhidi ya Uviko-19.

Akiongoza ziara hiyo Mwenyekiti wa Chama Cha Mapinduzi(CCM) Bi. Kate Kamba alisema viongozi na wananchi wa Tanzania wanajivunia Rais Samia Suluhu Hassan kwa mambo makubwa aliyoyatenda kwa kipindi kifupi tangu aingie madarakani huku akiwapongeza viongozi wa Wilaya na halmashauri ya manispaa ya Temeke kwa kusimamia miradi iliyokamilika kwa wakati.

"Namshukuru sana Mama Samia Suluhu kwa kuona na kukamilisha haya kwa muda mfupi tu, ametusaidia kutoa elimu nzuri kwa watoto wetu".Alisema Mwenyekiti huyo.

Kwa upande wake Mkuu wa wilaya ya Temeke Mhe. Jokate Mwegelo alimshukuru Mwenyekiti huyo kwa kuweza kufika na kukagua miradi ambayo ambayo wananchi wa Temeke watanufaika nayo.

"Temeke tumekua wanufaika wa mradi huu cha  ambao utapunguza msongamano wa wanafunzi darasani, tunaomba Mama Kate utume salamu zetu kwa mhe. Rais tunamshukuru sana".Aliongeza Mhe.Jokate

Mkurugenzi wa Manispaa hiyo ndugu Elihuruma Mabelya alisema kuwa sasa kazi kubwa iliyo mbele yao kama Manispaa ni kuhakikisha inajenga matundu ya vyoo kuendana na idadi ya madarasa na ujenzi wa maabara kwa ajili ya masomo ya sayansi.

"Kama Manispaa tulishakuwa na mpango wa kujenga madarasa 147 kabla ya haya madarasa ya Mama, tutatumia fedha zile kujenga na kuboresha vyoo, ofisi za walimu,maabara za sayansi na maabara za kompyuta, niwaahidi wananchi wa temeke kuwa hali ya elimu inaenda kubadilika".Alisisitiza Mabelya

Mkuu wa shule ya Sekondari Toangoma Mwalimu Christopher Lucas Mtabutu alionesha kufurahishwa kwake na ujenzi huo wa madarasa ambayo yatakuwa chachu katika ufaulu wa wanafunzi.

Ziara hii ni ukaguzi wa mwisho kuelekea kuanza kwa  muhula wa masomo wa  mwaka 2022  siku ya Jumatatu Januari 17 ambapo wanafunzi wa kidato cha kwanza wanatarajia kuanza rasmi masomo yao.